ہائی وے پر ڈمپر اور ٹریلر میں ٹکر، لگی آگ، ایک جاں بحق، تین زخمی
جے پور، 4 نومبر (ہ س)۔ جے پور-کوٹا ہائی وے پر ٹونک ضلع کے سہیلا گاؤں کے قریب جمعہ کی دیر شام بجری سے لدے ٹریلر اور ڈمپر کے درمیان تصادم کے بعد دونوں گاڑیاں آگ کی زد میں آگئیں۔ ایک موٹر سائیکل بھی اس کی زد میں آ گئی۔ حادثے میں ڈمپر ڈرائیور کی موت ہو گئی۔ جبکہ ٹریلر اور موٹر سائیکل پر سوار تین افراد زخمی ہو گئے۔ پولیس نے اسے نیوائی اسپتال میں داخل کرایا ہے۔
غنیمت یہ رہی کہ آگ لگنے کے بعد گاڑیاں ہائی وے کے ایک ہی طرف رک گئیں اور ٹریفک جاری رہی۔ پولیس اور گاؤں والوں کے مطابق یہ حادثہ اس وقت پیش آیا جب ایک ڈمپر غلط سمت سے آیا اور سامنے سے آرہے ٹریلر سے ٹکرا گیا۔اطلاع کے بعد پولیس پہنچی اور ٹونک اور نیوائی سے فائر بریگیڈ کو بلایا گیا۔ گاؤں والوں کی بھیڑ بھی جمع ہو گئی۔ آگ کے شعلے بلند ہونے اور آگ مزید شدید ہونے کی وجہ سے لوگ قریب نہیں جا سکے۔
برونی تھانہ انچارج اوم پرکاش نے بتایا کہ جمعہ کی شام تقریباً 7.30 بجے جے پور سے ٹونک کی طرف ایک ٹریلر آرہا تھا۔ وہ برونی تھانہ علاقہ کے موٹوکا پل کے قریب ہائی وے پر غیر متوازن ہو گیا اور دوسری طرف چلا گیا اور سامنے سے آرہے بجری سے بھرے ٹرک سے ٹکرا گیا۔ جس کی وجہ سے دونوں گاڑیوں میں آگ لگ گئی۔ جس میں ٹریلر ڈرائیور کی موت ہو گئی۔
آگ اتنی تیزی سے پھیلی کہ ٹریلر ڈرائیور کو فرار ہونے کا موقع نہیں ملا۔ وہ جل گیا۔ بعد ازاں فائر بریگیڈ اور پولیس کی تین گاڑیاں موقع پر پہنچ گئیں اور رات 8 بجے لگ بھگ آدھے گھنٹے میں آگ پر قابو پالیا گیا۔ جاں بحق اور جھلسنے والے افراد کی تاحال شناخت نہیں ہوسکی ہے۔
ہندوستھان سماچار
/شہزاد
