جموں کے ٹرانسپورٹرز نے اپنی 72 گھنٹے کی طویل ہڑتال واپس لے لی
جموں،3 جنوری (ہ س)۔ آئل ٹینکر ڈرائیوروں، آپریٹروں نے منگل کی شام دیر گئے اپنی 72 گھنٹے کی ہڑتال کو ختم کرنے کا اعلان کر دیا۔ ڈرائیوروں کے مرکزی نمائندوں اور مرکزی داخلہ سکریٹری کے درمیان طے پانے والے ایک معاہدے کے بعد چکہ جام کی کال کو واپس لے لیا۔ آل جموں و کشمیر ٹرانسپورٹ ویلفیئر ایسوسی ایشن کے صدر اجیت سنگھ نے تصدیق کی کہ جموں و کشمیر کے ٹرانسپورٹروں نے بھی قومی سطح پر اس سلسلے میں فیصلے کے بعد ہڑتال ختم کرنے کا فیصلہ کیا ہے۔
آل جے اینڈ کے پیٹرول ٹینکر اونرز ایسوسی ایشن کے صدر آنن شرما نے کہا کہ ہم نے اپنا احتجاج ختم نہیں کیا ہے لیکن ہم پہلے ہی ڈپٹی کمشنر جموں اور ایس ایس پی جموں سے اس ضمن میں بات کر چکے ہیں۔ انہوں نے کہا کہ ہمیں مرکزی حکومت کی طرف سے ہمارے قومی نمائندوں کو دی گئی یقین دہانی کے بارے میں بتایا کہ کوئی بھی فیصلہ لینے سے پہلے متنازعہ قانون پر غور کیا جائے گا اور ہمارے نمائندوں کو آن بورڈ لیا جائے گا۔ قبل ازیں انہوں نے کہا کہ جموں میں پیر سے 1500 سے زائد آئل ٹینکروں کی ہڑتال کی وجہ سے زیادہ تر پٹرول پمپ خشک ہو چکے ہیں اور جب تک ان کا مسئلہ حل نہیں ہو جاتا وہ دوبارہ کام شروع نہیں کریں گے۔
ہندوستھان سماچار
/شہزاد
