گلوبل مارکیٹ سے تیزی کے اشارے، ایشیائی بازار میں بھی تیزی
نئی دہلی، 14 دسمبر (ہ س)۔ گلوبل مارکیٹ سے آج مضبوطی کے اشارے مل رہے ہیں۔ وال اسٹریٹ انڈیکس میں پچھلے سیشن کے دوران مضبوطی کے ساتھ کاروبار بند ہوئے تھے۔ آج ڈاو جونز فیوچرز بھی تیزی سے تجارت کرتا ہوا نظر آ رہا ہے۔ تاہم گزشتہ سیشن کے دوران دباو میں کاروبار کرنے کے بعد یورپی بازار ملے جلے نتائج کے ساتھ بند ہوئے۔ وہیں ایشیائی بازاروں میں آج عام طور پر تیزی کا رجحان ہے۔
امریکی فیڈرل ریزرو کی جانب سے شرح سود میں کوئی تبدیلی نہیں کرنے کی وجہ سے گزشتہ سیشن کے دوران وال اسٹریٹ میں جوش و خروش کا ماحول تھا۔ ڈاو جونز 512 پوائنٹس چھلانگ لگا کر پہلی بار 37,000 کا ہندسہ عبور کرکے ریکارڈ بلندی پر بند ہوا۔ اسی طرح ایس اینڈ پی 500 انڈیکس نے بھی 1.21 فیصد چھلانگ لگاکر 4,699.69 پوائنٹس کی سطح پر پچھلے سیشن کے کاروبار کا اختتام کیا۔ اس کے علاوہ نیس ڈیک 168.17 پوائنٹس یعنی 1.16 فیصد اضافے کے ساتھ 14,701.57 پوائنٹس کی سطح پر بند ہوا۔ ڈاو جانز فیوچرز بھی آج 94.65 پوائنٹس یعنی 0.26 فیصد اضافے کے ساتھ 37,183.89 پوائنٹس کی سطح پر کاروبار کر رہا ہے۔
امریکی بازار کے برعکس یوروپی بازار پچھلے سیشن کے دوران مسلسل دباو میں تجارت کرنے کے بعد ملے جلے نتائج کے ساتھ بند ہوئے۔ ایف ٹی سی انڈیکس 0.08 فیصد اضافے کے ساتھ 7,548.44 پوائنٹس پر بند ہوا۔ دوسری طرف سی اے سی انڈیکس نے پچھلے سیشن کی تجارت کو 0.16 فیصد کی کمزوری کے ساتھ 7,531.22 پوائنٹس پر ختم کیا۔ اسی طرح ڈیکس انڈیکس 0.15 فیصد گر گیا اور 16,766.05 پوائنٹس کی سطح پر بند ہوا۔
ایشیائی بازاروں میں بھی آج عام طور پر تیزی دکھائی دے رہی ہے۔ ایشیا کی 9 مارکیٹوں میں سے 8 کے انڈیکس تیزی کے ساتھ سبز نشان میں کاروبار کر رہے ہیں، جبکہ ایک انڈیکس گراوٹ کے ساتھ سرخ نشان میں ہے۔ ایشیائی بازاروں میں اکیلے نکیئی انڈیکس 284.02 پوائنٹس یعنی 0.86 فیصد کی کمزوری کے ساتھ 32,642.33 پوائنٹس کی سطح پر کاروبار کر رہا ہے۔
دوسری طرف گفٹ نفٹی 214 پوائنٹس یعنی 1.02 فیصد کے اضافے کے ساتھ 21,239 پوائنٹس کی سطح پر کاروبار کر رہا ہے۔ اسی طرح ہینگ سینگ انڈیکس 179.51 پوائنٹس یا 1.11 فیصد اضافے کے ساتھ 16,408.26 پوائنٹس کی سطح پر پہنچ گیا ہے۔ کوسپی انڈیکس بھی کاروبار میں اب تک 1.20 فیصد بڑھ کر 2,540.77 پوائنٹس کی سطح پر پہنچ گیا ہے۔ اسی طرح اسٹریٹس ٹائمز انڈیکس 0.88 فیصد اضافے کے ساتھ 3,131.53 پوائنٹس کی سطح پر کاروبار کرتا ہوا نظر آرہا ہے۔
اس کے علاوہ تائیوان ویٹڈ انڈیکس 0.82 فیصد اضافے کے ساتھ 17,612.91 پوائنٹس کی سطح پر، سیٹ کمپوزٹ انڈیکس 1.43 فیصد مضبوط ہوکر 1,377.41 پوائنٹس کی سطح پر، جکارتہ کمپوزٹ انڈیکس 0.85 فیصد اضافے کے ساتھ 7,135.56 پوائنٹس کی سطح پر اور شنگھائی کمپوزٹ انڈیکس 0.30 فیصد اضافے کے ساتھ 2,977.56 پوائنٹس پر کاروبار کر رہے ہیں۔
ہندوستھان سماچار
/شہزاد
