نئی دہلی، 6 دسمبر (ہ س)۔ گھریلو شیئر بازار میں مضبوطی کا سلسلہ جاری ہے۔ آج ایک بار پھر شیئر بازار نے ریکارڈ مضبوطی کے ساتھ کاروبار کی شروعات کی۔ حالانکہ شروعاتی دور میں بازار کو فروخت کا جھٹکا بھی لگا لیکن تھوڑی دیر بعد ہی خریداری شروع ہونے کی وجہ سے شیئر بازار نے اپنی تیزی برقرار رکھی۔ خریداری کے زور کی وجہ سے سینسیکس اور نفٹی دونوں انڈیکس فی الحال سبقت کے ساتھ کاروبار کرتے نظر آرہے ہیں۔ کاروبار کے پہلے ایک گھنٹے کے بعد سینسیکس 0.26 فیصد اور نفٹی 0.22 فیصد کی مضبوطی کے ساتھ کاروبار کر رہے تھے۔
کاروبار کے پہلے ایک گھنٹے کے دوران شیئر بازار کے بڑے شیئروں میں اڈانی پورٹس، ایل ٹی مائنڈ ٹری، یو پی ایل، وپرو اور آئی ٹی سی کے حصص 3.08 فیصد سے لیکر 1.72 فیصد کے اضافے کے ساتھ کاروبار کر رہے تھے۔ دوسری طرف بجاج آٹو، آئی سی آئی سی آئی بینک، این ٹی پی سی، ایس بی آئی لائف انشورنس اور آئشر موٹرز کے حصص 1.76 فیصد سے لیکر 0.69 فیصد کی گراوٹ کے ساتھ کاروبار کرتے نظر آرہے تھے۔
ابھی تک کے کاروبار میں حصص بازار میں 2,021 حصص میں ایکٹو ٹریڈنگ ہورہی تھی۔ ان میں سے 1,108 حصص منافع کماکر سبز نشان میں جبکہ 913 حصص خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 حصص میں سے 20 حصص خرید کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 10 حصص سرخ نشان میں کاروبار کر رہے تھے۔ جبکہ نفٹی میں شامل حصص میں سے 30 حصص سبز نشان میں اور 20 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج ایک بار پھر مضبوطی کا نیا ریکارڈ بناتے ہوئے 238.79 پوائنٹس کی چھلانگ لگا کر 69,534.93 پوائنٹس پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس گر کر 69,395.01 پوائنٹس کی سطح پر پہنچ گیا۔ لیکن اس کے فوراً بعد خریداری کی حمایت کی وجہ سے انڈیکس نے رفتار پکڑی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 178.49 پوائنٹس کے اضافے کے ساتھ 69,474.63 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے بھی آج آل ٹائم ہائی اوپننگ کا نیا ریکارڈ بناتے ہوئے 95.65 پوائنٹس کے اضافے کے ساتھ 20,950.75 پوائنٹس پر تجارت شروع کی۔ بازار کھلتے ہی منافع وصولی کی وجہ سے اس انڈیکس میں بھی گراوٹ کا رجحان نظر آیا۔ فروخت کے دباو کی وجہ سے یہ انڈیکس ابتدائی سطح سے 60 پوائنٹس گر کر 20,887.55 پوائنٹس کی سطح پر پہنچ گیا۔ لیکن اس کے بعد خریداری کی حمایت کے باعث اس انڈیکس میں بھی تیزی آئی۔ بازار میں مسلسل خرید و فروخت کے درمیان پہلے ایک گھنٹے کی تجارت کے بعد صبح 10:15 بجے نفٹی 45.75 پوائنٹس کے اضافے کے ساتھ 20,900.85 پوائنٹس کی سطح پر کاروبار کر رہا تھا۔
ہندوستھان سماچار//سلام
