ماپوٹو (موزمبیق)، 29 اکتوبر (ہ س)۔ ہندوستان کے مرکزی پیٹرولیم اور قدرتی گیس کے وزیر ہردیپ سنگھ پوری افریقی ملک موزمبیق کے دورے پر ہیں۔ موزمبیق کے دارالحکومت ماپوٹو پہنچتے ہی ان کا روایتی انداز میں پرتپاک استقبال کیا گیا۔
جیسے ہی پوری ماپوٹو پہنچے، ان کا روایتی رقص سے استقبال کیا گیا۔ انہوں نے ہفتہ کو موزمبیق کے دورے سے متعلق ویڈیو سوشل میڈیا پر شیئر کیا۔ انہوں نے کہا ہے کہ وزیر اعظم نریندر مودی کی قیادت میں دنیا بھر کے ممالک کے ساتھ ہندوستان کی شراکت داری مسلسل بڑھ رہی ہے۔
دونوں ملکوں کے تعلقات پر ہردیپ پوری نے کہا کہ ہندوستان کے موزمبیق کے ساتھ اچھے تعلقات ہیں۔ موزمبیق اور ہندوستان کی مغربی ریاستوں کے درمیان تجارتی تعلقات صدیوں پرانے ہیں۔ جدید دور میں یہ تعلقات مزید مضبوط ہوئے ہیں۔ قابل ذکر ہے کہ اس سے قبل اگست میں ہندوستانی وزیر اعظم نریندر مودی نے جنوبی افریقہ میں 15ویں برکس سربراہی اجلاس کے موقع پر موزمبیق کے صدر فلپ نیوسی سے ملاقات کی تھی۔
ہندوستھان سماچار//سلام
