اداکارہ ملائکہ اروڑا نے حال ہی میں اپنی سالگرہ منائی۔ اپنی سالگرہ کی تقریب کے دو دن بعدوہ پپرازی کے کیمرے میں قید ہوگئیں۔ پپرازی کے ذریعہ شوٹ کیا گیا ان کا ایک ویڈیو وائرل ہورہا ہے۔ اس بار ان کی دائیں ٹانگ کی چوٹ نے نیٹیزنز کی توجہ اپنی جانب مبذول کرائی ہے۔ ان کی ویڈیو دیکھ کر مداح پریشان ہو گئے ہیں۔
حال ہی میں ملائکہ اروڑا کو ممبئی کے ایک سیلون کے باہر دیکھا گیا۔ اس وقت کی ان کی ویڈیو سوشل میڈیا پر وائرل ہو رہی ہے۔ اس میں انہوں نے شارٹس پہن رکھی تھیں۔ اس وقت ان کی دائیں ران پر کالی چوٹ دکھائی دے رہی تھی۔ تاہم ملائکہ کو زخم کے سیاہ نشان کو چھپاتے ہوئے بھی دیکھا گیا۔ملائیکہ کی ٹانگ پر چوٹ کے نشانات دیکھ کر نیٹیزنز تبصرہ کر رہے ہیں۔ ایک نے لکھا” کیا ہوا ؟“ دوسرے نے لکھا ، ’ ’کیا تم گر گئی تھیں ؟‘ ’تمہاری ٹانگ کو کیا ہوا ؟“ تیسرے نے پوچھا۔ لوگ اسی طرح کے تبصرے کر رہے ہیں ، حالانکہ اداکارہ کی جانب سے ابھی تک کوئی ردعمل سامنے نہیں آیا ہے۔ملائیکہ سوشل میڈیا پر کافی ایکٹو رہتی ہیں۔ وہ اپنی تصاویر اور ویڈیوز اپنے مداحوں کے ساتھ شیئر کرتی رہتی ہیں۔ وہ کئی تقریبات میں حصہ لیتی ہے۔ وہ ٹی وی پر ریئلٹی شوز کی جج بھی ہیں۔ جلد ہی وہ جھلک دکھلا جا کے نئے سیزن میں نظر آئیں گی۔
ہندوستھان سماچارمحمدخان
