नयाँ दिल्ली, 06 दिसम्बर (हि.स.)। तमिलनाडूको तिरूवल्लूर लोकसभा क्षेत्रका कांग्रेस सासंद शशिकान्त सेन्थिलले देशको सबैभन्दा ठूलो एयरलाइन कम्पनी इन्डिगोको उड़ान संकटलाई लिएर केन्द्र सरकारमाथि मूकदर्शक बनेको आरोप लगाएका छन्।
उनले भने, मानिसहरू विमानस्थलहरूमा आफ्नो समान लिएर संघर्ष गरिरहेका छन्, तर देशमा कुनैपनि जिम्मेवारलाई कुनै फरक परिरहेको छैन। यात्रुहरूलाई सहयोग गर्न कोही पनि इच्छुक छैन। सरकारले बताओस्, इन्डिगो कसरी बजारमा 60 देखि 65 प्रतिशत हिस्सा भएको एकाधिकार एयरलाइन बन्यो। सांसद सेन्थिलले शनिवार यहाँ कांग्रेस मुख्यालयमा पत्रकार सम्मेलनमा भने, मानिसहरू खाना र पानी बिना विमानस्थलहरूमा घण्टौंसम्म पर्खन बाध्य छन् र बुजुर्गहरू र नानीहरूका लागि कुनै विशेष व्यवस्था छैन।
धेरै यात्रुहरू परीक्षा, महत्त्वपूर्ण कार्यक्रम वा पारिवारिक आपतकालमा सामेल हुन पाएनन्। देशमा गत 4-5 दिन हवाई यात्राको इतिहासमा सबैभन्दा खराब दिन रहेको छ। हिजो 1000 भन्दा बढ़ी उडानहरू रद्द गरियो र आज 600 भन्दा बढ़ी उड़ानहरू रद्द भइसकेका छन्। लाखौं यात्रुहरू अलपत्र परेका छन् र जिम्मेवार कसैलाई पनि वास्ता छैन जस्तो देखिन्छ। उनले भने, जनवरी-मार्च 2024 को निम्ति बदली गरिएको डीजीसीएका नयाँ नियमहरूमा किन पहिले नै कारबाही गरिएन। सरकारले एयरलाइन्स एकाधिकारलाई प्रोत्साहन दिइरहेको छ। इन्डिगोले कसरी बजार हिस्सेदारीलाई 60-65 प्रतिशत पुर्यागयो? यो कसरी एकाधिकार एयरलाइन बन्यो? सरकारले जवाफ दिनुपर्छ।
अर्कोतिर, नागरिक उड्डयन मन्त्री के राममोहन नायडूले भने, नयाँ उड़ान ड्यूटी समय सीमा नियमहरू 01 नोभेम्बरदेखि लागू भएको छ तर अन्य कुनै पनि एयरलाइनलाई समस्याको सामना गर्नु परेको छैन। यसले स्पष्ट रूपमा संकेत गर्छ कि समस्या इन्डिगोमा छ। इन्डिगोको लापरवाहीको छानबिन गरिनेछ र आवश्यक कारबाही गरिनेछ।
हिन्दुस्थान समाचार / भवानी थामी
