نیوزی لینڈ کے جارح بلے باز کولن منرو نے انٹرنیشنل کرکٹ سے ریٹائرمنٹ لے لی
ویلنگٹن، 10 مئی (ہ س)۔ نیوزی لینڈ کے جارح بلے باز کولن منرو نے جمعہ کو فوری اثر سے بین الاقوامی کرکٹ سے ریٹائرمنٹ کا اعلان کر دیا ہے۔ نیوزی لینڈ کے اس جارح بلے باز نے بین الاقوامی کرکٹ میں 3000 سے زائد رن بنائے ہیں۔ وہ گزشتہ چار سال سے قومی ٹیم کے لیے نہیں کھیلے ہیں۔ انہوں نے حال ہی میں 2020 میں بھارت کے خلاف اپنا آخری ٹی- 20 میچ کھیلا تھا۔
بائیں ہاتھ کے کھلاڑی نے دسمبر 2012 میں اپنا ٹی 20 انٹرنیشنل ڈیبیو کیا اور اس کے اگلے مہینے اپنا ون ڈے ڈیبیو کیا۔ انہوں نے اپنے کیریئر میں صرف ایک ٹیسٹ کھیلا ہے، جو جنوری 2013 میں کھیلا گیا تھا، کیونکہ وہ بنیادی طور پر سفید گیند کے ماہر سمجھے جاتے تھے۔
مجموعی طور پر انہوں نے تمام فارمیٹس 123 مرتبہ (65 ٹی- 20 آئی، 57 ون ڈے اور ایک ٹسٹ) نیوزی لینڈ کی نمائندگی کی اور 7 وکٹیں لینے کے ساتھ ساتھ 3000 سے زیادہ رن بنائے۔ منرو نے نیوزی لینڈ کے لیے 31 کی اوسط اور 156.4 کے اسٹرائیک ریٹ کے ساتھ 1,724 رن بنائے، جس میں تین ٹی 20 بین الاقوامی سنچریاں بھی شامل ہیں۔
منرو ٹی 20 آئی میں تین سنچریاں اسکور کرنے والے نیوزی لینڈ کے واحد بلے باز ہیں۔ وہ 2014 اور 2016 میں ٹی 20 ورلڈ کپ اسکواڈز اور 2019 میں ون ڈے ورلڈ کپ میں رنر اپ رہنے والی ٹیم کا بھی حصہ تھے۔ تجربہ کار بلے باز دنیا بھر کی فرنچائز کرکٹ میں کھیل رہے ہیں اور انہوں نے انکشاف کیا کہ 2024 کے ٹی 20 ورلڈ کپ اسکواڈ میں جگہ حاصل کرنے میں ناکامی کے بعد انہوں نے ریٹائرمنٹ کا فیصلہ کیا۔
37 سالہ کھلاڑی نے نیوزی لینڈ کرکٹ (این زیڈ سی) کے حوالے سے کہا، ’’بلیک کیپس کے لیے کھیلنا ہمیشہ سے میرے کیریئر کی سب سے بڑی کامیابی رہی ہے۔ مجھے اس جرسی پہننے سے زیادہ فخر کبھی نہیں ہوا اور میں نے تمام فارمیٹس میں 123 بار ایسا کیا ہے۔ کچھ ایسا ہے جس پر مجھے ہمیشہ ناقابل یقین حد تک فخر رہے گا۔ حالانکہ میری آخری موجودگی کو کافی وقت ہوگیا ہے، لیکن میں نے کبھی امید نہیں چھوڑی کہ میں اپنی فرنچائزی ٹی 20 فارم کے دم پر واپسی کر سکتا ہوں۔ ٹی 20 عالمی کپ کے لیے بلیک کپس ٹیم کے اعلان کے ساتھ اب اس باب کو باضابطہ طور پر بند کرنے کا صحیح وقت ہے۔‘‘
