کیوٹو (جاپان)، 15 جنوری ( ہ س) ۔ جاپان کے مغربی صوبے یاماشیرو کے دارالحکومت کیوٹو میں اتوار کو بدھ مت کے مشہور مندر سنجوسانگینڈو میں سالانہ نئے سال کا تیر اندازی ٹورنامنٹ (جاپانی میں کیوڈو) منعقد ہوا جس میں تقریباً 1700 نوجوانوںنے حصہ لیا۔ ان میں لڑکیوں کی تعداد زیادہ تھی۔
جاپانی اخبار جاپان ٹوڈے کے مطابق، شرکا کو 60 میٹر دور ایک میٹر چوڑے ہدف کو نشانہ بنانا ہوتا ہے۔ تیر انداز تیروں سے اہداف کو نشانہ بنانے کے لیے گروپوں میں کام کرتے ہیں۔ ہر تیر انداز کو دو تیر دیے جاتے ہیں اور ہدف کو نشانہ بنانے کے لیے دو منٹ ہوتے ہیں۔ جو دونوں تیروں سے ہدف کو نشانہ بناتے ہیں ،وہ دوسرے راو¿نڈ میں جاتے ہیں۔ یہ روایتی ایونٹ 1600 کی دہائی کے اوائل کا ہے۔
کوامو کے دور حکومت میں کیوٹو کو ‘ہی یان جو’ یعنی ‘امن کا شہر’ کا نام دیا گیا تھا۔ کیوٹو گیارہویں صدی تک جاپان کا دارالحکومت تھا۔ اب یہ مغربی صوبے کا دارالحکومت ہے۔
یہ شہر جاپان میں اپنے بڑے مندروں، عظیم الشان پیشکشوں اور فنکارانہ عمارتوں کے لیے مشہور ہے۔ یہاں ریشم کے کپڑے، سرامک کے برتن، کڑھائی، رنگ سازی، پنکھے، کھلونے اور دھاتی برتنوں کی دیگر اقسام جیسی صنعتیں چلتی ہیں۔ یہ جاپان میں بدھ مت کا سب سے بڑا مرکز ہے۔ یہاں ایک یونیورسٹی اور آرٹ سینٹر ہے۔
ہندوستھان سماچار
