۔ پونیری پلٹن بدھ کے روز پرو کبڈی لیگ سیزن 10 کے اختتام پر پوائنٹس ٹیبل پر سرفہرست ہے۔ انہوں نے پنچکولہ میں یوپی یودھا کے خلاف جیت کے بعد لیگ کی تاریخ میں سب سے زیادہ پوائنٹس (96) درج کیے۔ دریں اثنا جے پور پنک پینتھرس 92 پوائنٹس کے ساتھ ٹیبل میں دوسرے نمبر پر ہے۔
پرو کبڈی لیگ سیزن 10 پلے آف کے لیے حیدرآباد جائے گا جہاں دبنگ دہلی کے سی کا مقابلہ ہوگا۔ ٹیم ایلیمینیٹر 1 میں پٹنہ پائریٹس کا مقابلہ کرے گی، جبکہ گجرات جائنٹس کا مقابلہ ایلیمینیٹر 2 میں ہریانہ اسٹیلرز سے پیر، 26 فروری 2024 کو جی ایم سی بالیوگی اسپورٹس کمپلیکس، گچی بوولی، حیدرآباد میں ہوگا۔
ایلیمینیٹر 1 کی فاتح کا مقابلہ سیمی فائنل 1 میں ٹیبل ٹاپرز پونیری پلٹن سے ہوگا اور ایلیمینیٹر 2 کے فاتح کا مقابلہ 28 فروری 2024 کو سیمی فائنل 2 میں جے پور پنک پینتھرس سے ہوگا۔ گرینڈ فائنل جمعہ 01 مارچ کو ہوگا۔
یہ پوچھے جانے پرکہ کون سی ٹیم کے سیزن 10 کی ٹرافی جیتنے کا امکان ہے، توپی کے ایل سپر اسٹار پون سہراوت نے کہا، ”سیمی فائنل فیصلہ کرے گا کہ ٹرافی جیتنے کے بہترین امکانات کس کے ہیں۔ اگر سیمی فائنل میں جے پور اور ہریانہ کا آمنا -سامنا نہیں ہوتا ہے تو مجھے لگتا ہے کہ جے پور ٹرافی جیت جائے گا“۔
تیلگو ٹائٹنز کے کپتان سہراوت نے لیگ مرحلے میں تیسرے سب سے زیادہ ریڈ پوائنٹس (202) ریکارڈ کیے۔
اپنی کارکردگی کے حوالے سے کپتان نے ایک آفیشل بیان میں کہا، ”مجموعی طور پر، یہ میرے لیے ایک عام سیزن تھا، تاہم ہم نے بطور ٹیم بہت سی غلطیاں کیں، جس کی وجہ سے ہماری حریف ٹیموں کو ہمارے خلاف بڑی برتری حاصل ہوئی۔ اس سے ہمیں اس سیزن میں بہت زیادہ نقصان ہوا۔“
تیلگو ٹائٹنز ٹیبل کے نچلے نمبر پر ہے۔ ٹیم کے لئے غلط ہونے والے پہلووں کے بارے میں، سہراوت نے کہا،”کچھ نوجوان کھلاڑی میچوں میں اپنی تربیتی کارکردگی کو دہرانہیں سکے اور صورتحال کو اپنے اوپر حاوہ ہونے دیا۔نئے کھلاڑیوں کو اپنے پیر جمانے اور مضبوط بانڈ بنانے میں کچھ وقت لگے گا۔“
