احمد آباد، 5 دسمبر (ہ س)۔ منندر سنگھ کی 11 پوائنٹس کی بدولت پیر رات ای کے این ایرینا بائے ٹرانس اسٹیڈیم میں ایک دلچسپ مقابلے میں بنگال واریئرز نے بنگلورو بلز کو 30-32 سے شکست دی۔
منندر نے رات کی اپنی پہلی ریڈ کے ساتھ زوردار شروعات کی۔ منندر نے بنگال کو بونس پوائنٹ کے ساتھ ساتھ ٹچ پوائنٹ بھی دیا۔ اس میچ کو بڑے حملہ آوروں کی جنگ کے طور پر پیش کیا گیا، جس میں انہوں نے اپنی چھاپ چھوڑی۔
حالانکہ دوسرے سرے پر لمبے قد کے بھرت کو اپنے پہلے ہی ریڈ میں نمٹا دیا گیا۔ یہ برا اشارہ تھا کہ میچ کے دوران ان کے اور ان کی ٹیم کے لیے حالات کیسے ہوں گے۔ بنگلورو بلز کو پہلے پوائنٹ حاصل کرنے میں چار منٹ سے زیادہ کا وقت لگا۔ اس ٹیم کا کھاتا آدتیہ شندے کی ’’ڈو آر ڈائی ریڈ‘‘ کے ذریعے کھلا۔
واریئرز نے بیلز کو خود سے دور رکھنے کے لیے وقفے وقفے سے پوائنٹس حاصل کرنے کا سلسلہ جاری رکھا، لیکن نیرج نروال کے ایک سپر ریڈ نے میزیں پلٹ دیں اور اسے ایک قریبی مقابلے میں بدل دیا، ہاف ٹائم میں واریئرز 11-14 سے آگے تھے۔
تاہم واریئرز نے دوسرے ہاف میں صرف چند منٹوں میں اپنی برتری کو بڑھا دیا۔ منندر سنگھ نے آل آوٹ کو انجام دیکر اسکور 15-23 کرتے ہوئے اسے 8 پوائنٹس سے آگے کر دیا۔
تاہم بنگلورو بلز نے اس کے بعد آہستہ آہستہ مقابلے میں واپسی کی۔ چھ منٹ باقی رہتے ہوئے انہیں خودکا آل آوٹ مل گیا، جس سے فرق کو کم ہوکر دو ہوگیا اور جب کھیل ختم ہونے میں تین منٹ باقی تھا تب دونوں ٹیمیں 28-28 پر لاک ہوگئی تھیں۔ حالانکہ کھیل کے آخری لمحات میں وشواس کے ریڈ اور درپن کے ٹیکل نے بنگال واریئرز کی جیت کو یقینی بنا دیا۔
ہندوستھان سماچار//سلام
