فروری میں سری لنکا اور آئرلینڈ کے خلاف ٹیسٹ کھیلے گا افغانستان

فروری میں سری لنکا اور آئرلینڈ کے خلاف ٹیسٹ کھیلے گا افغانستان

نئی دہلی، 9 جنوری (ہ س)۔ افغانستان فروری 2024 میں سری لنکا اور آئرلینڈ کے خلاف ٹیسٹ میچ کھیلے گا۔ دو محدود اوورز کے فارمیٹس پر زیادہ توجہ کرنے کی وجہ سے افغانستان نے پچھلے تین سالوں میں زیادہ تر وقت میں صرف ایک ہی ٹیسٹ میچ کھیلا ہے۔ تاہم اب انہیں کیلنڈر میں جگہ مل گئی ہے اور انہوں نے 2 فروری اور 18 مارچ کے درمیان دو الگ الگ آل فارمیٹ سیریز کا اعلان کیا ہے۔

مصروف دور کا آغاز کولمبو میں سری لنکا کے خلاف اپنے پہلے ٹیسٹ میچ سے ہوگا۔ اس کے بعد تین ون ڈے اور تین ٹی- 20 میچ ہوں گے۔ سری لنکا کے دورے کے اختتام کے سات دن بعد افغانستان 28 فروری سے 3 مارچ کے درمیان واحد ٹیسٹ میچ کے لیے متحدہ عرب امارات میں آئرلینڈ کی میزبانی کرے گا۔ اس سیریز میں محدود اوورز کا مرحلہ بھی شامل ہے کیونکہ افغانستان اگلے ٹی- 20 ورلڈ کپ کی تیاری کر رہا ہے، جو جون میں ویسٹ انڈیز اور امریکہ میں منعقد ہونا ہے۔

افغانستان کے سری لنکا دورے میں ہمیشہ ایک ٹیسٹ میچ اور تین ٹی- 20 میچ شامل ہونے والے تھے۔ اے سی بی سربراہ میرویس اشرف نے ایک بیان میں کہا، ’’ان تینوں ون ڈے میچوں کی شمولیت ایک مکمل اور جامع دورے کو یقینی بنانے کی جانب ایک اہم قدم ہے جو نہ صرف افغانستان کرکٹ کو ایک بہترین تجربہ فراہم کرے گا بلکہ دونوں ممالک کے درمیان مضبوط تعلقات کو بھی فروغ دے گا۔ سری لنکا کے خلاف سری لنکا میں کھیلنا یہ ہمیشہ مشکل ہوتا ہے لیکن یہ ایک چیلنج ہے جسے افغان اٹلان آسانی سے قبول کر سکتے ہیں۔‘‘

ان سب سے پہلے افغانستان اپنی پہلی دو طرفہ سیریز اس ماہ بھارت کے خلاف کھیلے گا اور ان کے چیف ایگزیکٹو نصیب خان پر امید ہیں کہ یہ تمام گیمز ٹیم کو آنے والے چیلنجوں کے لیے تیار کریں گے۔

انہوں نے کہا، ’’آئندہ دورہ بھارت، سری لنکا اور پھر آئرلینڈ کے خلاف ہوم سیریز سے ہمیں انتہائی اہم ٹی- 20 ورلڈ کپ کے لیے ٹیم کو تیار کرنے میں مدد ملے گی۔ ہم پہلے سے ہی بہت سی سیریز کے منتظر ہیں۔‘‘

افغانستان کے دورہ سری لنکا کا شیڈول:

6-2 فروری 2024 ون- آف ٹیسٹ، کولمبو

9 فروری 2024، پہلا ون ڈے، کولمبو

11 فروری 2024، دوسرا ون ڈے، کولمبو

14 فروری 2024، تیسرا ون ڈے، کولمبو

17 فروری 2024، پہلا ٹی- 20 میچ، دامبولا

19 فروری 2024، دوسرا ٹی- 20 میچ، دامبولا

21 فروری 2024، تیسرا ٹی- 20 میچ، دامبولا

یو اے ای میں افغانستان بمقابلہ آئرلینڈ–

28 فروری تا 3 مارچ 2024 ون- آف ٹیسٹ، ابوظہبی

7 مارچ 2024، پہلا ون ڈے، شارجہ

9 مارچ 2024، دوسرا ون ڈے، شارجہ

12 مارچ 2024، تیسرا ون ڈے، شارجہ

15 مارچ 2024، پہلا ٹی- 20 میچ، شارجہ

17 مارچ 2024 دوسرا ٹی- 20 میچ، شارجہ

18 مارچ 2024، تیسرا ٹی- 20، شارجہ

ہندوستھان سماچار

/شہزاد