نئی دہلی، 19 اکتوبر (ہ س)۔
جے ایس ڈبلیو اور جی ایم آر کی مشترکہ ملکیت والی فرنچائز دہلی کیپٹلز نے آج اس سال کے آخر میں منعقد ہونے والی ویمنز پریمیئر لیگ (ڈبلیو پی ایل) نیلامی سے قبل اپنے برقرار اور ریلیز کردہ کھلاڑیوں کی فہرست جاری کی ہے۔ دہلی کی فرنچائز نے 5 غیر ملکی کھلاڑیوں سمیت کل 15 کھلاڑیوں کو برقرار رکھا ہے۔
نیلامی سے قبل وکٹ کیپر بلے باز اپرنا منڈل، اوپننگ بلے باز جسیہ اختر اور امریکی فاسٹ باو¿لنگ آل راو¿نڈر تارا نورس کو ٹیم سے رہا کر دیا گیا ہے۔
ہیڈ کوچ جوناتھن باٹی نے کہا، ”ان کھلاڑیوں کو ریلیز کرنا ہمارے لیے آسان فیصلہ نہیں تھا۔ وہ سب ہمارے بہت ہی یادگار افتتاحی سیزن کا ایک اہم حصہ تھے اور میں ان کے لیے نیک خواہشات کا اظہار کرتا ہوں۔ ہمارے پاس ایک ٹھوس ٹیم ہے اور ہم آئندہ نیلامی میں اسے مزید مکمل بنانے کا ارادہ کریں گے۔
اسسٹنٹ کوچ ہیمالتا کالا نے کہا، فرنچائز نے گزشتہ چند مہینوں کے دوران چند آف سیزن کیمپس کا انعقاد کیا، جس نے بطور کوچنگ گروپ ہمیں دستیاب ٹیلنٹ پر ایک نظر ڈالنے اور اپنی جسمانی حالت اور مہارتوں کا جائزہ لینے کی اجازت دی۔
آپ کو بتاتے ہیں کہ دہلی کیپٹلس افتتاحی ویمنز پریمیئر لیگ کے فائنل میں پہنچی تھی، جہاں اسے ممبئی انڈینز کے ہاتھوں شکست کا سامنا کرنا پڑا تھا۔
دہلی کی طرف سے برقرار رکھنے والے کھلاڑیوں کی فہرست درج ذیل ہے-
غیر ملکی کھلاڑی: میگ لیننگ (کپتان)، جیس جوناسن، ماریزان کپ، ایلس کیپسی، لورا ہیرس۔
ہندوستانی کھلاڑی: جمیما روڈریگس، شفالی ورما، شیکھا پانڈے، پونم یادو، رادھیہ دیو، اروندھتی ریڈی، تانیہ بھاٹیہ، منو منی، اسنیہ دیپتی، تیتاس سدھو۔
ہندو ستھان سماچار
