سائیکل کی سواری چھوڑ کر اجول نے کانگریس کا ہاتھ پکڑا، پریاگ راج سے الیکشن لڑیں گے
لکھنؤ سماج وادی پارٹی کے دور میں وزیر رہے اور ایس پی کے سینئر لیڈر کنور ریوتی رمن سنگھ کے بیٹے نے کانگریس میں شمولیت اختیار کر لی ہے۔ معاہدے کے تحت پریاگ راج کی سیٹ کانگریس کے کھاتے میں ہے۔ اس وجہ سے اجول رمن کانگریس کی طرف سے پریاگ راج سے الیکشن لڑیں گے۔ کانگریس کے ریاستی انچارج اویناش پانڈے اور ریاستی صدر اجے رائے نے انہیں پارٹی کی رکنیت دلائی۔
اویناش پانڈے نے بتایا کہ پریاگ راج نہرو خاندان کا آبائی علاقہ رہا ہے۔ وہاں سے اجول رمن کا آنا پارٹی کے لیے اہم ہے۔ ان کی آمد سے پارٹی کو تقویت ملے گی۔ وہ کافی وقت تک ایس پی میں رہے۔ وہ لوک سبھا انتخابات میں بی جے پی سے مقابلہ کریں گے۔
کانگریس کے ریاستی صدر اجے رائے نے کہا کہ اجول رمن کی آمد سے پارٹی کو مضبوطی ملی ہے۔ ان کے ساتھ پوری ریاست میں الیکشن مضبوطی سے لڑا جائے گا۔ آرادھنا مشرا مونا نے کہا کہ اتحاد کے تحت پریاگ راج میں ایک نیا باب لکھا جائے گا۔
اجول رمن نے کہا کہ آئین خطرے میں ہے۔ جمہوریت خطرے میں ہے۔ ہم سب بی جے پی کے خلاف متحد ہیں۔ دونوں جماعتوں کے قائدین کا اعتماد حاصل کیا۔ پریاگ راج لوک سبھا حلقہ سے راہل گاندھی، پرینکا گاندھی اور پارٹی کے دیگر سینئر لیڈروں اور ایس پی صدر اکھلیش یادو کی رضامندی کی بنیاد پر میں الیکشن لڑنے جا رہا ہوں۔ میں کوشش کروں گا کہ پریاگ راج سیٹ سے کامیابی حاصل ہو۔
