پورنیہ، 7 جنوری(ہ س)۔بہار کے پورنیہ میں چھاپہ ماری کرنے گئی پولیس ٹیم پر حملہ ہوا ہے۔کے نگر تھانہ علاقہ میں خفیہ اطلاع کی بنیا د پر سول ڈریس میں ایک بدمعاش کو پکڑنے گئی پولیس ٹیم پر گاؤں والوں نے حملہ کر دیا۔ پولیس کے گرفت میں آئے ایک بدمعاش کے نشاندہی پر ایک ہوٹل میں موجود بدمعاش کو پکڑنے پہنچی اسپیشل سیل کے پنکج آنند کے ساتھ 6 پولیس اہلکار گئے ہوئے تھے۔ پولیس کو دیکھ کر وہاں موجود کئی بدمعاش فرار ہوگئے اور ایک کو گرفار کر لیا گیا۔
بدمعاشوں کو پولیس نے جب پکڑا تو اس کے خاندان والو ں نے پولیس پر حملہ کر دیا ۔ جس سے چار پولیس اہلکار سمیت گاؤں کی خاتون زخمی ہیں ۔ زخمی گاؤں کی خاتون نے بتایا کہ تمام لوگ سول ڈریس میں تھے، جس کی وجہ سے انہیں لگا کہ کسی مجرم نے ان کے گھر پر حملہ کر دیا ہے، جس کی وجہ سے اپنا بچاؤ کرنے میں جھڑپ ہوئی ۔ سول ڈریس میں رہے پولیس اہلکاروں نے ان لوگوں پر پستول تان دی اور جان سے مارنے کی دھمکی دینے لگے۔ انہیں نہیں معلوم تھا کہ سول ڈر یس میں پولیس ہے۔
تمام زخمیوں کا مقامی ریفرل اسپتال میں علاج کیا جا رہا ہے۔ واقعے کے بعد پورنیہ کے تین تھانوں کی پولیس ون بھاگ گاؤں کے قریب کیمپ کر رہی ہے۔ کے نگر تھانہ انچارج منیش یادو نے بتایا کہ پولیس کو خفیہ اطلاع ملی تھی کہ کوڑھا گروہ کا ایک بدنام زمانہ مجرم کسی بڑ ی وا ردات کو انجام دینے کے لئے ون بھاگ گاؤں کے قریب ایک ہوٹل میں پہنچا ہوا ہے ۔ فی الحال پکڑے گئے بدمعاش سے پولیس پوچھ گچھ کر رہی ہے ۔
ہندوستھان سماچار/ افضل/سلام
