پٹنہ ، 15 دسمبر (ہ س)۔
بہار میں نالندہ ضلع کے چندی تھانہ علاقہ کے بیلدھانا گودھاپور گاؤں کے قریب جمعہ کی صبح ٹریکٹر بے قابو ہو کر کھائی میں الٹ گیا۔ جس میں دب کر ڈ رائیور سمیت تین لوگوں کی موقع پر ہی موت ہوگئی ۔
چنڈی تھانہ علاقہ کےصالح پور موڑ کے قریب ٹریکٹر سڑک کے کنارے 15 فٹ گڑھے میں پلٹ گیا۔ ٹریکٹر پر اینٹ لدی ہوئی تھیں۔ ڈرائیور تیز رفتاری سے جا رہا تھا۔ ٹریکٹر الٹنے سے تین افراد اس کے نیچے دب گئے اور موقع پر ہی جاں بحق ہوگئے۔ مقامی لوگوں نے دیکھا تو پولیس کو اطلاع دی۔
مرنے والوں میں ابھی تک صرف ڈرائیور کی شناخت ہوئی ہے۔ ڈرائیور مان پور تھانہ علا قہ کے پڑھکار ہائشی رام دھین یادو کا 32 سالہ بیٹا مکیش کمار ہے۔ جبکہ دو دیگر کی شناخت نہیں ہو سکی۔ گھر والوں نے بتایا کہ وہ مان پور سے اینٹ لاد کر پٹنہ جا رہا تھا۔ دریں اثناء سرمیرا بہٹہ پتھ دھاپر گاؤں کے قریب بے قابو ہو کر ایک اور گاڑی سے ٹکرا کر 20 فٹ گڑھے میں جا گرا۔
صبح گاؤں والوں نے ٹریکٹر کو دیکھا تو پولیس کو اطلاع دی۔ پولیس نے موقع پر پہنچ کر جے سی بی کی مدد سے ٹریکٹر کے نیچے دبے تینوں نوجوانوں کی لاش نکالیں۔
تھانہ انچارج دنیش کمار ساہ نے بتایا کہ نوجوان کی شناخت ابھی باقی ہے۔ تینوں لاشوں کو پوسٹ مارٹم کے لیے بہار شریف صدر اسپتال بھیج دیا گیا ہے۔ غالباً دو دیگر نوجوان اینٹ بھٹے پر کام کرتے تھے۔ اس کی شناخت کی جا رہی ہے۔ پولیس نے موقع پر پہنچ کر کرین کے ذریعے لاش کو باہر نکالا۔
ہندوستھان سماچار/ افضل
/عطاءاللہ
