رائے پور، 15 نومبر (ہ س)۔ چیف الیکٹورل آفیسر رینا بابا صاحب کنگالے نے بتایا کہ چھتیس گڑھ اسمبلی الیکشن-2023 کے تحت الیکشن کمیشن آف انڈیا کی طرف سے تمام ووٹروں کو انتخابی تصویری شناختی کارڈ جاری کیے گئے ہیں۔ کمیشن تمام ووٹرز سے توقع کرتا ہے کہ وہ پولنگ کے مقام پر ووٹ ڈالنے سے پہلے اپنی شناخت کو یقینی بنانے کے لیے کمیشن کی طرف سے جاری کردہ انتخابی تصویری شناختی کارڈ پیش کریں۔
چیف الیکٹورل آفیسر رینا بابا صاحب کنگالے نے کہا کہ اگر کوئی فوٹو شناختی ووٹر کارڈ دکھانے سے قاصر ہے تو الیکشن کمیشن آف انڈیا نے اس کے لیے 12 متبادل دستاویزات کی بھی اجازت دی ہے۔ وہ رائے دہندگان جو اپنا انتخابی تصویری شناختی کارڈ پیش کرنے کے قابل نہیں ہیں، وہ آدھار کارڈ، منریگا جاب کارڈ، ڈرائیونگ لائسنس، پین کارڈ، ہندوستانی پاسپورٹ، تصویر کے ساتھ پنشن دستاویز، مرکزی/ریاستی حکومت/پبلک انڈر ٹیکنگ/پبلک اکاونٹ لمیٹیڈ کمپنیوں کی طرف سے اپنے ملازمین کو جاری کردہ تصویر کے ساتھ سروس شناختی کارڈ، بینکوں/ ڈاکخانوں کی طرف سے جاری کردہ تصویر کے ساتھ پاس بک،این پی آر کے تحت آرجی آئی کے ذریعے جاری کردہا سمارٹ کارڈ، وزارت محنت کی اسکیم کے تحت جاری کردہ ہیلتھ انشورنس اسمارٹ کارڈ،ایم پی /ایم ایل اے/ایم ایل سی کو جاری کئے گئے سرکاری شناختی کارڈ اور حکومت ہند سماجی انصاف و اختیارات کی وزارت کی طرف سے معذور افراد کو جاری کردہ منفرد معذوری آئی ڈی (یو ڈی آئی ڈی ) کارڈ استعمال کر سکتے ہیں۔ ووٹر ان دستاویزات میں سے کوئی بھی پیش کر کے ووٹ ڈال سکیں گے۔
بیرون ملک مقیم ووٹرز جو اپنے پاسپورٹ میں موجود تفصیلات کی بنیاد پر انتخابی فہرستوں میں رجسٹرڈ ہیں ان کی شناخت پولنگ اسٹیشن پر صرف ان کے اصل پاسپورٹ (اور کوئی شناختی دستاویز نہیں) کی بنیاد پر کی جائے گی۔
ہندوستھان سماچار
