کہا- وزیر اعظم مودی کی قابل قیادت میں گزشتہ 10 سالوں میں خواتین کو بااختیار بنانے کی سمت میں بے مثال کام کیا گیا
بھوپال، 10 جنوری (ہ س)۔
مدھیہ پردیش میں نئی حکومت کی تشکیل کے بعد وزیر اعلیٰ ڈاکٹر موہن یادو نے بدھ کو ایک کلک کے ساتھ لاڈلی بہنا یوجنا کی پہلی قسط جاری کی۔ انہوں نے یہاں کشابھاو ٹھاکرے کنونشن سنٹر میں منعقدہ ایک پروگرام میں اسکیم کے اہل استفادہ کنندگان کے کھاتوں میں ایک کلک کے ذریعے 1576.61 کروڑ روپے منتقل کئے۔ یہ رقم تقریباً 1.29 کروڑ لاڈلی بہنوں کے کھاتوں میں 1250 روپے کی شرح سے منتقل کی گئی ہے۔ اس کے علاوہ وزیر اعلیٰ نے سماجی انصاف محکمہ کی 12 پنشن اسکیموں کے 56 لاکھ استفادہ کنندگان کو 341 کروڑ روپے منتقل کئے۔
وزیر اعلیٰ ڈاکٹر موہن یادو دوپہر تقریباً 12 بجے کشاباو ٹھاکرے آڈیٹوریم پہنچے اور کنیا پوجن کرکے پروگرام کا آغاز کیا۔ اس کے ساتھ ہی خواتین کو بااختیار بنانے کا ہفتہ شروع ہوا جو 15 جنوری تک جاری رہے گا۔ اضلاع میں مختلف پروگرام ہوں گے۔ خواتین کو بااختیار بنانے اور یوتھ انرجی پر مرکوز اس فیسٹیول کا آغاز وزیر اعلیٰ نے علامت کے طور پر پانچ خواتین کو کنگن اور مٹھائیاں تحفہ دے کر کیا۔
اسے مکر سنکرانتی تہوار کا نام دیا گیا ہے۔ خواتین استحکام کاری ہفتہ کے تحت ضلع سطح پر لاڈلی لکشمی فرینڈلی گرام پنچایتوں، مقابلہ جاتی امتحانات میں منتخب ہونے والی لڑکیوں، نمایاں کام کرنے والے شوریہ دل کے ممبران کو بھی اعزاز سے نوازا جائے گا۔ اس کے علاوہ ایسی لڑکیوں کو بھی اعزاز سے نوازا جائے گا جنہوں نے خود اطلاع دیکر کے اپنی بچپن کی شادی کو روک دی ہے۔
پروگرام سے خطاب کرتے ہوئے وزیر اعلیٰ ڈاکٹر یادو نے کہا کہ میں اپنے ملک کے وزیر اعظم نریندر مودی کا شکریہ ادا کرتا ہوں۔ وہ واقعی ایک شاندار لیڈر ہیں، جن کے لیے ہم سب کے دل خاص احترام، پیار اور محبت ہے۔ وہ ہر قدم پر جس طرح کے منصوبے بنا رہے ہیں، جس طرح سے کام کر رہے ہیں وہ حیرت انگیز ہے۔ پوری دنیا ان کا لوہا مانتی ہے۔ یہاں تک کہ پڑوسی ملک پاکستان کے سابق وزیراعظم عمران خان نے کہا ہے کہ کاش مودی ہمارے ملک میں ہوتے۔ انہوں نے کہا کہ وزیر اعظم مودی کی قابل قیادت میں گزشتہ 10 سالوں میں خواتین کو بااختیار بنانے کی سمت میں بے مثال کام کیا گیا ہے۔ یہی وجہ ہے کہ آج ملک کی خواتین کی طاقت کسی بھی میدان میں پیچھے نہیں ہے۔ میری بہنو! میں آپ سے وعدہ کرتا ہوں کہ ہم آپ کو بااختیار بنانے میں کوئی کسر نہیں چھوڑیں گے۔
ہندوستھان سماچار//محمد
