مختلف شعبوں سے تعلق رکھنے والی چھ شخصیات کو ملے گا ڈاکٹر منگلم سوامی ناتھن نیشنل ایوارڈ
۔ دہلی کے منڈی ہاوس واقع شری رام سینٹر میں 29 نومبر کو ایک خصوصی تقریب کا انعقاد کیا جائے گا
نئی دہلی، 25 نومبر (ہ س)۔ ڈاکٹر منگلم سوامیناتھن فاونڈیشن نے سال 2023 کے لیے صحافت، سائنس رپورٹنگ، آرٹس اینڈ کلچر، طب، بدعنوانی کی تحقیقات اور سماجی خدمت میں بہترین کارکردگی سمیت مختلف شعبوں میں چھ باوقار قومی ایوارڈز کا اعلان کیا ہے۔ یہ ایوارڈز 29 نومبر کو شام 5 بجے شری رام سینٹر، منڈی ہاوس، دہلی میں منعقدہ ایک خصوصی تقریب میں پیش کیے جائیں گے۔
فاونڈیشن کے چیئرمین ڈاکٹر آر بالاشنکر نے کہا کہ ڈاکٹر منگلم سوامی ناتھن نیشنل ایوارڈ 2023 دوردرشن (دہلی) کے سینئر ایڈوائزری ایڈیٹر اور اینکر اشوک شریواستو کو سائنس رپورٹنگ میں قومی سیاسی گفتگو میں ان کے تعاون کے لیے دیا جائے گا۔ انہیں یہ ایوارڈ ایکسیلنس اور ریسرچ اور سائنس اینڈ ٹیکنالوجی کے زمرے میں دیا جانا ہے۔
صحافت کے میدان میں نمایاں شراکت کے لیے منورما ٹی وی کے ڈائریکٹر جانی لوکوز، آرٹ اور ثقافت کے شعبے میں نمایاں شراکت کے لیے روزنامہ ماتھربھومی (کوزی کوڈ) کے آرٹ ایڈیٹرپی وی مدن موہن، جنوبی ہند کے معروف پلے بیک سنگر ایم جی شری کمار، فن اور موسیقی کے میدان میں شاندار شراکت کے لیے جنوبی ہند کے معروف پلے بیک سنگر ایم جی شری کمار، طبی بدعنوانی کی تحقیقات کرنے اور اعلیٰ مقامات پر بدعنوانی کو بے نقاب کرنے کے لیے ویب میڈیا مرونادن ملیالی کے بانی اور ایڈیٹر ان چیف ساجن سکاریا کو اعزازسے نوازا جائے گا۔ اس کے علاوہ سماجی خدمت کے میدان میں نمایاں کام کے لیے سوامی چیتنیانند سوامی مدورانند، ویلیملائی شری وویکانند آشرم، کالاپڈی، تمل ناڈو کو ‘شری دتوپن ٹھینگڑی سیوا سمان-2023 سے نوازا جائے گا۔
اس پروگرام کی صدارت سابق مرکزی وزیر برائے فروغ انسانی وسائل ڈاکٹر مرلی منوہر جوشی کریں گے۔ مرکزی وزیر قانون اور انصاف ارجن رام میگھوال سمیت کئی معززین اس پروگرام میں مہمان خصوصی اور مرکزی وزیر مملکت جل شکتی پرہلاد سنگھ پٹیل بطور مہمان اعزازی شرکت کریں گے۔
دراصل ڈاکٹر منگلم سوامی ناتھن فاونڈیشن ہر سال صحافت اور سماجی خدمات سمیت مختلف شعبوں میں بہترین کام کرنے والوں کو اعزاز سے نوازتی ہے۔ سینئر صحافی اور راجیہ سبھا کے سابق رکن آر کے سنہا کو سال 2020 کے لیے صحافت میں ان کی شاندار شراکت کے لیے ‘ڈاکٹر منگلم سوامیناتھن ایوارڈ سے نوازا گیا تھا۔ سینئر صحافی شری رام جوشی کو سال 2021 کے لیے صحافت میں ان کی شاندار خدمات کے لیے ‘ڈاکٹرسوامیناتھن ایوارڈ سے نوازا گیا تھا۔
ملیالم منورما کے وروگھس تھامس اور شلبھ اپادھیائے کو فاونڈیشن برائے سائنس جرنلزم کے لیے بالترتیب 2020 اور 2021 کے لیے اعزاز سے نوازا جاچکا ہے۔ بھارت وکاس پریشد کو ملک بھر میں خدمات اور ثقافتی سرگرمیوں میں بہترین شراکت کے لیے فاونڈیشن نے اعزاز سے نوازا ہے۔ پچھلے سال روزنامہ جاگرن کے نیشنل ایڈیٹر وشنو ترپاٹھی کو فاونڈیشن نے صحافت میں ان کی شاندار شراکت کے لیے اعزاز سے نوازا تھا۔
ہندوستھان سماچار
/شہزاد
