کاٹھمنڈو ، 06 دسمبر (ہ س)۔
نیپالی شہریوں کو غیر قانونی طور پر روس بھیجنے اور وہاں فوج میں بھرتی کرنے والے گروہ کا پردہ فاش کرنے کے بعد بارہ افراد کو گرفتار کیا گیا ہے۔ نیپال پولیس نے ان کے پاس سے 50 سے زائد پاسپورٹ بھی برآمد کیے ہیں۔نیپال پولیس کی کرائم برانچ نے کاٹھمنڈو کے مختلف مقامات پر چھاپے مار کر 12 افراد کو گرفتار کر لیا۔ ان کے پاس سے 50 سے زائد پاسپورٹ بھی برآمد ہوئے ہیں۔ پولیس کا کہنا تھا کہ ان تمام پاسپورٹوں پر روس کے ویزے تھے۔ گرفتار ملزمان سے 27 لاکھ روپے نقدی بھی برآمد ہوئی ہے۔ گرفتار ملزمان میں ڈرون ڈانگی ، دیپین پیریار ، کشتیج گری ، سبھاش لاما ، منیش نیوپانے ، روزل مہارجن ، ہری بہادر وشوکرما ، ایشور ادھیکاری ، گوکرنا آریال ، سجتا دہل ، سنتوش روکا اور سنتوش نیپال شامل ہیں۔
کاٹھمنڈو کے پولیس سپرنٹنڈنٹ کمود دھنگل نے کہا کہ ان سبھی کو ضلعی عدالت میں پیش کرکے ریمانڈ پر لے لیا گیا ہے۔ مزید تفتیش جاری ہے۔ ان تمام کی گرفتاری کے لیے کاٹھمنڈو کے لینچر ، تھمیل اور مہاراج گنج علاقوں میں چھاپے مارے گئے۔ یہ گینگ غیر قانونی طور پر روسی فوج میں شامل ہونے کے لیے نیپالیوں کو وزٹ ویزے پر روس بھیجنے کا بندوبست کرتا تھا۔ گرفتار کیے گئے 12 افراد کے خلاف ابھی تک کسی نے شکایت درج نہیں کرائی ہے۔ نیپال کی حکومت نے روسی فوج میں خدمات انجام دینے والے 6 نیپالی شہریوں کی ہلاکت اور یوکرین کے ہاتھوں کچھ فوجیوں کو یرغمال بنائے جانے کا واقعہ سامنے آنے کے بعد تحقیقات کا حکم دیا تھا۔
ہندوستھان سماچارمحمدخان
