اسرائیلی فوجیوں نے غزہ کے جبالیہ علاقے کو چاروں طرف سے گھیرا
۔ پناہ گزین کیمپ اور اسپتال کے ارد گرد جنگ جاری
غزہ، 22 نومبر (ہ س)۔ اسرائیلی فوجیوں نے منگل کے روز شمال مشرقی غزہ میں جبالیہ علاقے کو چاروں طرف سے گھیر لیا ہے۔ اسرائیلی فورسز نے پناہ گزین کیمپ کے گیٹ اور قریبی اسپتال پر بمباری کی۔ اس دوران فلسطینی جنگجووں نے مزاحمت بھی کی۔ اس کے ساتھ ہی اسرائیلی فوج نے شمالی غزہ میں اپنی کارروائی بڑھا دی ہے، جہاں کے رہائشیوں کو ہفتوں سے بجلی، پانی یا انسانی امداد تک رسائی حاصل نہیں ہے۔
اسرائیل اور حماس کی جنگ ساتویں ہفتے میں داخل ہو گئی ہے۔ جنگ کا اگلا حصہ جبالیہ کیمپ میں تبدیل ہو گیا ہے، جو غزہ شہر کے قریب کنکریٹ کی عمارتوں کا گھنا جنگل ہے۔ یہاں 1948 کی جنگ کے مہاجرین اور ان کی اولادیں یہاں مقیم ہیں۔ اسرائیل کئی ہفتوں سے اس علاقے پر بمباری کر رہا ہے۔ فوج نے کہا کہ حماس کے جنگجو غزہ شہر کے بیشتر علاقوں سے نکالے جانے کے بعد وہاں اور دیگر مشرقی اضلاع میں دوبارہ منظم ہو گئے ہیں۔
جبالیہ کے مضافات میں واقع انڈونیشیا کے ایک اسپتال کے باہر بھی جنگ میں شدت آگئی جہاں پیر کو ہونے والے ایک حملے میں 12 افراد ہلاک ہوگئے تھے۔ اسی دوران شمالی غزہ میں دباو کے بعد یہ واضح نہیں ہے کہ یہاں کتنے لوگ رہ گئے ہیں۔ لیکن فلسطینی پناہ گزینوں کے لیے اقوام متحدہ کے ادارے کا اندازہ ہے کہ یہاں 1,60,000 افراد کیمپوں میں پناہ لیے ہوئے ہیں۔ یہاں زیادہ وقت کے لیے ضروری سامان کی فراہمی نہیں بچی ہے۔ اسی دوران ڈبلیو ایچ او نے کہا ہے کہ وہ غزہ کے تین ہسپتالوں سے لوگوں کو نکالنے کا منصوبہ بنا رہا ہے۔
ہندوستھان سماچار
/شہزاد
