اجین، 4 فروری (ہ س)۔
شہر کے نیل گنگا تھانہ علاقہ میں ہفتہ کی رات نامعلوم وجوہات کی بناء پر ایک ہوٹل میں کام کرنے والے نوجوان نے پھانسی لگا کر خودکشی کرلی۔ خودکشی کرنے سے پہلے نوجوان نے اپنا موبائل فارمیٹ کیا اور تمام ڈیٹا ڈیلیٹ کر دیا۔ پولیس معاملے کی جانچ کر رہی ہے۔
نیل گنگا پولیس نے بتایا کہ راج گڑھ دھار کا اصلاً ساکن دیپیش نارائن راٹھور اپنے بھائی کے ساتھ شاستری نگر، اجین میں کرائے کے کمرے میں رہتا تھا۔ وہ دیواس روڈ پر واقع ایک ریسٹورنٹ میں کام کرتا تھا۔ اس کا بھائی ابھیشیک مہاکال مندر کی پرائیویٹ سیکورٹی کمپنی میں گارڈ ہے۔ جمعہ کو وہ صبح گیارہ بجے سے رات آٹھ بجے تک شفٹ میں ڈیوٹی کے لیے گیا تھا۔ رات کو ڈیوٹی سے واپس آیا تو کمرہ بند تھا۔
ابھیشیک نے اپنے بھائی کو آواز دی لیکن کافی دیر تک کوئی جواب نہیں ملنے پر اس نے کسی طرح دروازہ کھولا تو بھائی دیپیش کو لٹکا ہوا پایا۔ اس کا موبائل بھی پاس ہی پڑا ہوا ملا۔ اس میں کوئی ڈیٹا نہیں تھا۔ خیال کیا جاتا ہے کہ دیپیش نے خود کو پھانسی پر لٹکانے سے پہلے اپنا موبائل فارمیٹ کیا تھا۔ متوفی کے پاس سے کوئی خودکشی نوٹ نہیں ملا ہے۔ پولیس معاملے کی جانچ کر رہی ہے۔
