نوادہ، 28 ستمبر (ہ س)۔ بہار۔ جھارکھنڈ کی سرحد سے متصل نوادہ ضلع کے چترکولی واقع انٹیگریٹڈ چیک پوسٹ پر اتوار کے روز سہ پہر محکمہ ایکسائز نے ایک ٹیمپو کے ڈرائیور سیٹ کے نیچے رکھے 44 بوتل شراب اور بیئر کو برآمد کیا۔
اس کے علاوہ دو شراب اسمگلروں کو گرفتار کیا گیا اور ایک نابالغ کو قانون کے تحت حراست میں لیا گیا۔ شراب اسمگلر ہر طرح کے حربے استعمال کرتے ہوئے چیک پوسٹ سے شراب کی کھیپ پہنچانے کی مسلسل کوشش کر رہے ہیں۔ لیکن ایکسائز فورس کی چوکسی ہر بار اسمگلروں کے منصوبوں کو ناکام بنا رہی ہے۔ ایکسائز سپرنٹنڈنٹ ارون کمار مشرا نے بتایا کہ اتوارکے روز جھارکھنڈ سے آنے والے ٹیمپو نمبر بی آر 01 پی ایچ 1733 کو ایکسائز انسپکٹر امرت کمار گپتا نے روک کر چیک کیا۔ چیکنگ کے دوران 750 ملی لیٹر رائل سٹیج کی 12 بوتلیں، آئیکونک وہسکی کی 8 بوتلیں، 375 ملی لیٹر رائل سٹیج کی 2 بوتلیں اور 500 ملی لیٹر کنگ فشر کے 22 کین پلاسٹک کے جھولے سے اور ٹیمپو کی ڈرائیور سیٹ کے نیچے تہہ خانے سے دو پیکٹ برآمد ہوئے۔ اس کے علاوہ رجولی کے ڈمرکول گاؤں رہائشی محمد مشتاق بھی گرفتار کیا گیا۔ اس کے ساتھ زیر حراست ایک نابالغ کو بھی حراست میں لے لیا گیا۔ پوچھ گچھ کے دوران گرفتار اسمگلروں نے بتایا کہ وہ شراب کی کھیپ نوادہ پہنچانے رہا تھا۔ اس سے پہلے بھی وہ پیسے لے کر تین چار بار اسی طرح سے شراب کی کھیپ نوادہ پہنچا چکے ہیں۔
ایکسائز سپرنٹنڈنٹ نے کہا کہ ضبط شدہ شراب اور ٹیمپو کے علاوہ بہار ایکسائز ایکٹ کی متعلقہ دفعات کے تحت گرفتار لوگوں کے خلاف ایف آئی آر درج کی گئی ہے۔ انہوں نے یہ بھی کہا کہ صحت کی جانچ کے بعد گرفتار افراد کو عدالتی تحویل میں جیل بھیج دیا گیا ہے۔ اس موقع پر ایکسائز فورس اور ہوم گارڈ کے اہلکار موجود تھے۔
ہندوستھان سماچار
ہندوستان سماچار / Mohammad Afzal Hassan
