نوکری کی تلاش کر رہے لوگوں کو بناتا تھا شکار
بھوپال، 18 اکتوبر (ہ س)۔ پولیس کمشنر ہری نارائن چاری مشرا، ایڈیشنل پولیس کمشنر (کرائم اور ہیڈ کوارٹر) انوراگ شرما اور ڈپٹی کمشنر آف پولیس کرائم شروت کیرتی سوم ونشی، ایڈیشنل ڈپٹی کمشنر آف پولیس شیلیندر سنگھ چوہان کی رہنمائی اور اسسٹنٹ پولیس کمشنر سائبر سوجیت تیواری کی قیادت میں سائبر کرائم برانچ ضلع بھوپال کی ٹیم نے رنجیت سنگھ کولار روڈ، بھوپال، جو پہلے ایک ملٹی نیشنل کمپنی میں کام کرتے تھے کو نوکری دلانے کے نام پر 1.35 کروڑ روپے کا فراڈ کرنے والے نیپالی شہری سمیت دو افراد کو سائبر کرائم بھوپال نے دہلی سے گرفتار کیا۔
معلومات کے مطابق ملزمان نے مختلف ناموں سے ملازمت فراہم کرنے والی کمپنیوں کے نام پر ویب سائٹس بنائی تھیں۔ جس کے بعد ملزمان اس ویب سائٹ پر آنے والے لوگوں کا ڈیٹا نکالتا اور انہیں فون کرتا اور ضرورت کے مطابق نوکری دلانے کا لالچ دیتا تھا۔ ملزمان اپنی ویب سائٹ کو اس طرح ڈیزائن کرتے تھے کہ اس ویب سائٹ میں ہی پیمنٹ گیٹ وے دستیاب ہوتا تھا۔ جس کی وجہ سے لوگ اس ویب سائٹ پر بھروسہ کرلیتے تھے اور پیسوں کا فراڈ اسی پیمنٹ گیٹ وے سے ہوتا تھا۔ جس کے بعد لوگوں سے مختلف چارج کے نام پر رقم کا مطالبہ کیا جاتا تھا۔
اپنی شناخت چھپانے اور پولیس سے بچنے کے لیے ملزمان فرضی نمبروں سے کالز کرتے تھے، 5 سے 10 کالز کے بعد نمبر کو بند کر دیا جاتا تھا۔ اس کے علاوہ ویب سائٹ کے پیمنٹ گیٹ وے میں فرضی دستاویزات جمع کروا کر گیٹ وے بھی حاصل کیا جاتا تھا۔ ملزمان شکایت کنندہ سے بات کرنے کے لیے میل آئی ڈی کا استعمال کرتے تھے۔ ملزمان کے ذریعہ میل آئی ڈی کا استعمال وی پی این لگا کر کیا جارہا تھااور گیٹ وے میں لنک بینک اکاونٹ سے روپے اے ٹی ایم کے ذریعہ ملک کے الگ الگ ریاستوں سے نکالے جارہے تھے۔
سائبر کرائم ڈسٹرکٹ بھوپال کی ٹیم نے دہلی سے نیپالی شہری سمیت دو ملزمان کو کال سینٹر سے گرفتار کیا۔ جرم میں استعمال ہونے والے 4 موبائل فون اور دو لیپ ٹاپ بھی قبضے میں لے لیے گئے۔ جن ملزمان کو گرفتار کیا گیا ان میں دیوجیت دتا ولد ساتکری دتا، عمر – 26 سال، ساکن وردھنام مغربی بنگال، حال مقام پالم دہلی، جس کا کام کال کرنا اور رجسٹریشن کی معلومات دینا اور دیواکر مشرا ولد کرشن چندر، عمر – 34 سال ساکن جنک پوری نیپال ، حال مقام دشرتھ، پوری دہلی بی اے کال سینٹر کے منیجر شامل ہیں۔
ہندوستھان سماچار//سلام
