شروعاتی کاروبار میں اچھلا شیئر بازار، نفٹی 20 ہزار سے تجاوز
نئی دہلی، 29 نومبر (ہ س)۔ ملے جلے عالمی اشاروں کے درمیان آج گھریلو شیئر بازار میں مضبوطی کا ماحول ہے۔ آج کے کاروبار کا آغاز بھی فائدہ کے ساتھ ہوا۔ جیسے جیسے کاروبار بڑھتا گیا، ویسے ویسے حصص بازار میں بھی تیزی آتی گئی۔ حالانکہ درمیان میں کبھی کبھار فروخت کنندگان نے دباو بنانے کی بھی کوشش کی۔ اس کے باوجود شیئر بازار میں مسلسل تیزی بنی رہی۔ کاروبار کے پہلے ایک گھنٹے کے بعد سینسیکس اور نفٹی 0.62 فیصد کی مضبوطی کے ساتھ کاروبار کر رہے تھے۔
کاروبار کے پہلے ایک گھنٹے کے بعد حصص بازار کے بڑے شیئروں میں ہیرو موٹو کارپ، ٹیک مہندرا، وپرو، مہندرا اینڈ مہندرا اور ایل ٹی مائنڈ ٹری کے حصص 2.82 فیصد سے لیکر 1.38 فیصد کی مضبوطی کے ساتھ کاروبار کر رہے تھے۔ دوسری طرف کول انڈیا، بی پی سی ایل، ڈیویز لیبارٹریز، او این جی سی اور ٹائٹن کمپنی 0.37 فیصد سے لیکر 0.12 فیصد کی گراوٹ کے ساتھ تجارت کرتے نظر آرہے تھے۔
ابھی تک کے کاروبار میں حصص بازار میں 2,007 شیئروں میں ایکٹیو ٹریڈنگ ہورہی تھی۔ ان میں سے 1411 شیئرس منافع کماکر سبز نشان میں جبکہ 596 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 28 شیئر خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 2 شیئر سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 43 حصص سبز نشان میں اور 7 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 207.06 پوائنٹس کی چھلانگ کے ساتھ 66,381.26 پوائنٹس پر کھلا۔ کاروبار شروع ہوتے ہی خریداروں نے اپنی موجودگی کا احساس دلایا جس کی وجہ سے اس انڈیکس کی حرکت میں اضافہ ہوا۔ حالانکہ وقتاً فوقتاً فروخت کا دباو پیدا کرنے کی کوششیں ہوتی رہیں۔ اس کے باوجود اس انڈیکس کی حرکت میں مسلسل تیزی بنی رہی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 412.62 پوائنٹس کے اضافے کے ساتھ 66,586.82 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے آج 86.85 پوائنٹس کے اضافے کے ساتھ 19,976.55 پوائنٹس پر تجارت شروع کی۔ بازار کھلتے ہی خریداری کا زور بن جانے کی وجہ سے اس انڈیکس کی حرکت میں بھی اضافہ ہوتا رہا۔ فروخت کے معمولی جھٹکوں کے باوجود یہ انڈیکس تیزی سے اوپر کی جانب بڑھتا رہا اور کچھ ہی عرصے میں یہ انڈیکس 20 ہزار پوائنٹس کی سطح عبور کر گیا۔ بازار میں لگاتار خرید و فروخت کے درمیان ابتدائی 1 گھنٹے کی تجارت کے بعد صبح 10:15 بجے نفٹی 123.10 پوائنٹس کے اضافے کے ساتھ 20,012.80 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
