شیئر بازار میں فروخت کا دباو، سینسیکس اور نفٹی میں گراوٹ

شیئر بازار میں فروخت کا دباو، سینسیکس اور نفٹی میں گراوٹ

نئی دہلی،3 جنوری (ہ س)۔ عالمی دباو کے باعث گھریلو شیئر بازار میں آج مسلسل چوتھے کاروباری دن دباو کی صورت حال بنی ہوئی ہے۔ آج کے کاروبارکی شروعات کمزوری کے ساتھ ہوئی تھی۔ ابتدائی تجارت میں خریداری کا معمولی زوربھی بنتا نظر آیا۔ لیکن اس کے بعد فروخت کا دباو بڑھنے سے شیئر بازار گرتا چلا گیا۔ کاروبار کے پہلے ایک گھنٹے کے بعد سینسیکس 0.45 فیصد اور نفٹی 0.38 فیصد کی کمزوری کے ساتھ کاروبار کر رہے تھے۔

ابتدائی ایک گھنٹے کا کاروبار ہونے کے بعد حصص بازار کے بڑے شیئروں میں سے اڈانی انٹرپرائزز، اڈانی پورٹس، آئی ٹی سی، بھارتی ایئرٹیل اور ڈاکٹر ریڈی لیبارٹریز کے حصص 7.41 فیصد سےلیکر 0.46 فیصد کی مضبوطی کے ساتھ کاروبار کر رہے تھے۔ دوسری طرف ہنڈالکو انڈسٹریز، جے ایس ڈبلیو اسٹیل، وپرو، ہیرو موٹو کارپ اور ایل ٹی مائنڈ ٹری کے حصص 2.82 فیصد سے لیکر 2.43 فیصد کی گراوٹ کے ساتھ کاروبار کرتے نظر آرہے تھے۔

ابھی تک کے کاروبار میں شیئر بازار میں 2,042 شیئروں میں ایکٹیو ٹریڈنگ ہورہی تھی۔ ان میں سے 1,023 شیئرس منافع کما کر سبز نشان میں جبکہ 1,019 شیئر نقصان اٹھاکر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 5 شیئرس خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 25 شیئر سرخ نشان میں کاروبار کر رہے تھے۔۔ جبکہ نفٹی میں شامل شیئروں میں سے 12 شیئر سبز نشان میں اور 38 شیئر سرخ نشان میں تجارت کرتے ہوئے نظر آرہے تھے۔

بی ایس ای کا سینسیکس آج 59.86 پوائنٹس کی گراوٹ کے ساتھ 71,832.62 پوائنٹس کی سطح پر کھلا۔ کاروبار شروع ہوتے ہی خریداروں نے کچھ زور ڈالا جس کی وجہ سے اس انڈیکس کی پوزیشن میں معمولی بہتری دیکھنے میں آئی۔ لیکن کچھ دیر بعد فروخت کنندگان نے مارکیٹ پر دباو بنادیا جس کی وجہ سے انڈیکس تقریباً 400 پوائنٹس گر کر 71,494.13 پوائنٹس کی سطح پر پہنچ گیا۔ حالانکہ اس کے بعد خریداروں نے ایک بار پھر اپنی موجودگی کا احساس دلانے کی کوشش کی جس کی وجہ سے اس انڈیکس کی پوزیشن میں معمولی بہتری آئی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 320.67 پوائنٹس کی کمزوری کے ساتھ 71,571.81 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے آج 4.70 پوائنٹس کی معمولی کمزوری کے ساتھ 21,661.10 پوائنٹس کی سطح پر تجارت شروع کی۔ بازار کھلنے کے کچھ ہی دیر بعد فروخت کے بڑھتے ہوئے دباو کی وجہ سے یہ انڈیکس 100 پوائنٹس سے زیادہ گر کر 21,556.70 پوائنٹس کی سطح پر پہنچ گیا۔ تاہم اس کے بعد معمولی خریداری کی حمایت سے اس انڈیکس کی پوزیشن میں بھی معمولی بہتری نظر آئی۔ بازار میں لگاتار خرید و فروخت کے درمیان پہلے گھنٹے کی تجارت کے بعد صبح 10:15 بجے نفٹی 82.60 پوائنٹس کی کمزوری کے ساتھ 21,583.20 پوائنٹس کی سطح پر کاروبار کر رہا تھا۔

ہندوستھان سماچار

/شہزاد