پٹنہ، 3 جنوری(ہ س)۔
بہار میں شراب بندی کے باوجود شراب کا بڑے پیمانہ پر اسمگلنگ ہورہا ہے ۔ حالانکہ پولیس شراب کو لیکر الرٹ ہے اور شراب کی تیاری ، نقل و حمل ، ذخیرہ اور فروخت کرنے پر سخت نظر رکھے ہوئے ہے ۔ اس سلسلے میں نوادہ پولیس نے کثیر مقدار میں دیسی شراب برآمد کی ہے اور ایک موٹر سائیکل بھی ضبط کی ہے۔ یہ پورا معاملہ ضلع کے ہسوا تھانہ علاقہ کا ہے۔
پولیس نے ہسوا کے تنگی پل کے قریب پلاسٹک کے بورےمیں موٹر سائیکل پر لدی 200 لیٹر دیسی شراب ضبط کیا ہے ۔ معاملے کے بارے میں ہسوا تھانہ کے ایس آئی سنیل سنگھ نے بتایا کہ خفیہ اطلاع ملی تھی کہ اسمگلر شراب کی کھیپ لے کر جا رہے ہیں ، جس کو لیکر چھاپہ ماری کی گئی تھی۔
بتایا کہ اسمگلر دو موٹر سائیکل پر بوریوں میں دو سو لیٹر شراب لے کر جا رہے تھے۔ پولیس نے پیچھا کیا تو موٹر سائیکل سواراسمگلر شراب لے کر فرار ہونے میں کامیاب ہو گیا جبکہ دوسری موٹر سائیکل پر سوار تاجر 200 لیٹر شراب اور موٹر سائیکل چھوڑ کر فرار ہو گیا ۔
معاملے کے بارے میں ہسوا تھانہ انچارج نے بتایا کہ شراب ایکٹ کے تحت مقدمہ درج کیا گیا ہے۔ ضبط کی گئی موٹر سائیکل کی بنیاد پر گاڑی مالک کا پتہ لگایا جا رہا ہے۔ پورے معاملے کی چھان بین کی جائے گی اور ذمہ داروں کو پکڑ کر ان کے خلاف مناسب کارروائی کی جائے گی۔
ہندوستھان سماچار/ افضل
/عطاءاللہ
