بہار میں ملے کورونا کے دو پازیٹیو مریض پائے گئے
پٹنہ، 22 دسمبر(ہ س)۔ کورونا نے ایک بار پھر ملک بھر میں دستک دے دی ہے۔ بہار بھی اس سے متاثر ہوئے بنا نہیں رہ سکا ہے۔ ریاست میں کورونا کے 2 مثبت مریض ملے ہیں حالانکہ یہ ابھی تک واضح نہیں ہے کہ یہ کون سا ویرینٹ ہے۔ حالانکہ احتیاطی تدابیر کے طور پر مریض کے لواحقین سے بھی تفتیش شروع کر دی گئی ہے۔
بہار کے صحت سکریٹری سنجے کمار نے تصدیق کی ہے کہ کورونا مریض پایا گیا ہے۔ انہوں نے بتایا کہ دونوں مریض دوسری ریاستوں سے آئے ہیں۔ ان میں سے ایک کیرالہ سے آیا ہے جبکہ دوسرا آسام سے واپس آیا ہے۔ سکریٹری صحت کے مطابق دونوں مریضوں کو ہوم آئسولیشن میں رہنے کا مشورہ دیا گیا ہے۔
سکریٹری صحت کے مطابق جینوم سیکوینسنگ کے بعد ہی پتہ چلے گا کہ یہ کورونا کا کون سا ویرینٹ ہے۔ حا لانکہ آسام سے واپس آنے والا کورونا پازیٹیو بانکا کا رہنے والا ہے۔ دوسرا مریض بھی پٹنہ کا ہے۔ وہ ہڈیوں کے آپریشن کے لیے ای ایس آئی سی بہٹا گیا، جہاں جانچ کے دوران کورونا کی تصدیق ہوئی۔
ریاستی نگرانی کے افسر ڈاکٹر رنجیت کمار کا کہنا ہے کہ دونوں سیمپلز کی جینوم سیکوینسنگ کی جائے گی۔ اس کے بعد معلوم ہوگا کہ یہ جے این۔1 ویرینٹ ہے یا کوئی اور ویرینٹ۔ فی الحال ہم اس پر نظر رکھے ہوئے ہیں۔
حالانکہ حکومت نے ہر صورت حال سے نمٹنے کے لیے تیاریاں کر رکھی ہیں۔ لیکن لوگوں کو بھی محتاط رہنے کی ضرورت ہے۔ کیونکہ بہار نے کورونا کی ہولناکیوں کا سامنا کیا ہے۔ جب دوسری لہر میں شمشان گھاٹ پر لاشوں کی قطار لگ گئی تھی۔
ہندوستھان سماچار/ افضل
/شہزاد
