بانکا، 15 اکتوبر ۔ بہار کےبانکا میں سڑک حادثہ پیش آیا ہے۔ جس میں ایک موٹر سائیکل سوار کی المناک موت ہو گئی۔ ایک اور نوجوان بری طرح زخمی ہے۔ معلومات کے مطابق امرپور۔شاہ کنڈ مین روڈ پر کولڈ اسٹوریج کے قریب تیز رفتار ہائیوا نے موٹر سائیکل سوار کو بری طرح کچل دیا ، جس کی وجہ سے اس کی موقع پر ہی موت ہو گئی۔
موقع پر موجود لوگوں نے بتایا کہ موٹر سائیکل سوار پوائی کی طرف جا رہا تھا۔ اسی درمیان سامنے سے تیز رفتار سے آ رہے ہائیوا بے قابو ہو گئی اور موٹر سائیکل سوار کو بری طرح کچل دیا ۔جس سے لاش کی شناخت کرنا بھی مشکل ہو گیا۔ مارننگ واک کررہا ایک اور نوجوان بھی ہائیوے کی زد میں آکر زخمی ہوگیا۔ زخمی کو علاج کے لیے ریفرل اسپتال لایا گیا۔ ادھر واقعہ کے بعد ہائیوے ڈرائیور گاڑی موقع سے گاڑی لے کر بھاگنے میں کامیاب ریا۔
واقعے کے بعد تقریباً ایک گھنٹے تک گاڑیوں کی آمدورفت مکمل طور پر درہم برہم رہی۔ جائے وقوعہ کے دونوں اطراف گاڑیوں کی لمبی قطاریں لگ گئیں۔ اطلاع ملتے ہی انسپکٹر خورشید عالم پولیس فورس کے ساتھ موقع پر پہنچے اور لاش کا پنچنامہ درج کیا اور پوسٹ مارٹم کے لیے بانکا صدر اسپتال بھیج دیا۔
بائک سوار نوجوان کی شناخت بانکا ضلع کے سلیم پور گاؤں رہائشی 24 سالہ کشن دیو یادو کے طو رپر کی گئی ہے۔ جبکہ زخمی نوجوان امر پور بازار رہائشی بپن داس ہے۔ متوفی نوجوان کے بھائی اروند یادو نے بتایا کہ کشن دیو پانچ بھائیوں میں دوسرے نمبر پر تھا۔ اس کی شادی گذشتہ سال ہی ہوئی تھی۔ وہ بائک سے اپنے سسرال چیریا اپنی بیٹی کو لانے جارہا تھا۔ ادھر واقعہ کی اطلاع ملنے کے بعد لواحقین کا رو ۔ ر و کر برا حال ہے۔
