انسٹاگرام پر دوستی کرنے کے بعد اسے ہوٹل بلایا اور زیادتی کی
فریدآباد، 22 اکتوبر (ہ س)۔
سیکٹر 58 تھانہ انچارج انوپ کمار اور ان کی ٹیم نے عصمت دری اور پوکسو ایکٹ کے معاملے میں دوسرے ملزم کو گرفتار کیا ہے۔ دو دن پہلے پولس نے اس معاملے میں پلول کے رہنے والے ملزم کیشو کو گرفتار کیا تھا۔ پولس ترجمان صوبے سنگھ نے اتوار کو بتایا کہ گرفتار ملزم کا نام برہمجیت ہے جو پلو ل ضلع کا رہنے والا ہے۔ ملزم اپنے شریک ملزم کیشو کے ساتھ پلو ل میں کپڑے کی ایک دکان پر سیلز مین کے طور پر کام کرتا تھا لیکن اس نے کام چھوڑ دیا تھا۔
18 اکتوبر کو سیکٹر 58 تھانے میں پوکسو ایکٹ، عصمت دری اور ایس سی/ایس ٹی ایکٹ کی دفعات کے تحت مقدمہ درج کیا گیا تھا، جس میں 16 سالہ متاثرہ لڑکی نے بتایا کہ جولائی 2023 میں، اس کی انسٹاگرام پر کیشو سے دوستی ہوئی تھی، جو پلو ل کا رہنے والا ہے۔ دونوں انسٹاگرام پر بات چیت کرتے تھے۔ اس کے بعد ملزم کیشو نے اپنے دوست برہم جیت کو متاثرہ لڑکی کے ماموں کی بیٹی (18) سے دوستی کر لی اور دونوں نے انسٹاگرام پر بات چیت بھی شروع کر دی۔ 9 اکتوبر کو صبح تقریباً 10:00 بجے ملزمان نے دونوں لڑکیوں کو فرید آباد کے سمے پور میں واقع پون اسپتال کے قریب بلایا، جہاں وہ دونوں لڑکوں سے ملے۔ برہم جیت نے بتایا کہ آج کیشو کا جنم دن ہے۔
اس کے بعد چاروں لڑکے اور لڑکیاں سیر کو نکل گئے۔ اس کے بعد ملزم کیشو اور برہم جیت دونوں لڑکیوں کو پلو ل لے گئے جہاں وہ انہیں الاپور فلائی اوور کے قریب واقع اویو ہوٹل لے گئے اور مختلف کمروں میں دونوں لڑکیوں کی عصمت دری کی۔ متاثرہ نے اس کی شکایت تھانے میں کی جس کی بنیاد پر ملزمان کے خلاف مقدمہ درج کرکے ان کی تلاش شروع کردی گئی۔ اس معاملے میں فوری کارروائی کرتے ہوئے پولیس نے خفیہ ذرائع سے ملنے والی اطلاع کی بنیاد پر ملزم کیشو کو کل سوہنا ٹی پوائنٹ سے گرفتار کر لیا۔
ہندوستھان سماچار
