कोलकाता, 01 नोभेम्बर : एकातिर जहाँ नोभेम्बर महिना शुरू हुनसाथ उत्तर र पूर्वी भाऱतमा सर्दी शुरू भएको छ भने पश्चिम बंगालमा यसको ठीक उल्टो तापक्रममा हल्का वृद्धि शुरू भएको छ। मौसम विभागको तर्फबाट बुधवार जारी बयान अनुसार, कोलकातामा न्यूनतम तापक्रम 23.5 डिग्री सेल्सियस र अधिकतम तापक्रम 31.6 डिग्री सेल्सियस छ, जुन सामान्यभन्दा एक डिग्री धेरै छ।
कोलकाता बाहेक हावड़ा, हुगली, उत्तर र दक्षिण 24 परगना, पूर्व र पश्चिम मेदिनीपुर, पुरुलिया, बांकुड़ा समेत राज्यका अन्य हिस्साहरूमा पनि तापक्रममा हल्का वृद्धि भएको छ। गत एक हप्ताभन्दा अधिक समयदेखि राज्यमा पानी परेको छैन र बीचमा तापक्रममा ह्रासको कारण रातको समय हल्का चिसो हुनु शुरू भएको थियो। यसबीच अचानक मौसममा यो परिवर्तन भाइरल रोगहरूलाई निम्तो दिइरहेछ। राज्यका सरकारी अस्पतालहरूमा सर्दी, खोकी, ज्वरो र अन्य भाइरल रोगहरूले पीड़ित रोगीहरूको संख्या पनि बढ़िरहेछ।
उत्तर बंगालको अलीपुरद्वार, कूचबिहार, जलपाइगढ़ी, दार्जीलिङ र कालेबुङमा पनि मौसममा परिवर्तन भइरहेछ। आगामी 24 देखि 48 घण्टासम्म मौसम यस्तै रहनेछ।
