जयपुर, 25 फरवरी। लाल कोठी थाना क्षेत्रस्थित केन्द्रिय जेलमा भएको सर्च अभियान अवधि ब्यारकमा एकजना जेलबन्दीको मोबाइल फोन भेटिएको मामिला अघि आएको छ। मोबाइल भेटिएपछि जेल अधीक्षकको आदेशमा आरोपी बन्दीविरूद्ध पुलिस थानामा मामिला दर्ता गरिएको छ। जेलभित्र बन्दीलाई कसले मोबाइल उपलब्ध गरायो, उसले मोबाइल कहिलेदेखि प्रयोग गरिरहेको थियो आदि सम्बन्धमा पुलिसले बन्दीसित जाँचबुझ गरिरहेको छ।
जयपुर सेन्ट्रल जेल अधीक्षक राकेश मोहन शर्माले बताए, जयपुर जेलको चार्ज दुई दिनअघि मात्र उनले लिएका थिए। जेलमा संदिग्ध वस्तु छ-छैन यसबारे पत्तो लगाउनको लागि ब्यारकमा सर्च गराइयो। सर्चको क्रममा बन्दी सराफत, पुत्र सलिम खानबाट मोबाइल फोन भेटियो। सराफतले जेलभित्र भुइँ खनेर मोबाइल लुकाएर राखेको थियो। मोबाइलसितै एउटा चार्जर एउटा फलामको तिखो वस्तु पनि भेटिएको छ। पुलिसको पक्षबाट बन्दी सराफतविरूद्ध लालकोठी थानामा मुद्दा दर्ता गरिएको छ।
जाँच अधिकारी हेड कन्स्टेबल प्रहलाद सिंह, केन्द्रिय कारागृह जयपुरका प्रहरी योगेश कुमारद्वारा मामिला दर्ता गराइएको छ। मामिला दर्ता गरिएपछि बन्दीको फोनबाट क-कसलाई फोन गरियो त्यसबारे पत्तो लगाइँदैछ।
