अपडेट….कोलकाता, 25 फरवरी । उत्तर 24 परगनाको सन्देशखालीमा मानवाधिकार उल्लङ्घनको जाँचको निम्ति गइऱहेको स्वयंसेवानी संगठनको फ्याक्ट फाइन्डिङ टीमलाई धेरै घण्टाको हिरासतपछि मुक्त गरिएको छ। शिवप्रसाद हाजराको फर्महरूलाई जलाएको कथित संलिप्तताको निम्ति आइतवार इण्डियन सेक्युलर फ्रन्ट (आइएसएफ) नेता आयशा बीबीलाई पक्राउ गरिएको छ।
यस टीममा पटना हाई कोर्टका सेवानिवृत्त मुख्य न्यायाधीश एल नरसिम्हा रेड्डी, ओपी व्यास, चारू वाली खन्ना, भावना बजाज, राजपाल सिंह र संजीव नायक सामेल छन्। उक्त प्रतिनिधिमण्डललाई धारा 144 लागू रहेको कारण बताएर सन्देशखालीदेखि 52 किमी अगाड़ी दक्षिण 24 परगनाको भोजेरहाटमा रोकियो। फ्याक्ट फाइन्डिङ टीमका सदस्यहरू त्यही सड़कमा बसे। यस हंगामा र पुलिसको नाकाबन्दीको कारण बासन्ती राजमार्गमा यातायात लगभग ठप्प भयो। पछि पुलिसले यिनीहरूलाई हिरासतमा लिएर गाड़ीमा बसायो र कोलकाता पुलिस मुख्यालय लाल बजार लगेर गयो। टीमका सदस्यहरूले उनीहरूलाई अवैध तरीकाले हिरासतमा लिइएको दाबी गरेका छन्। पछि यहाँबाट उनीहरूलाई मुक्त गरिएको छ।
उल्लेख्य, तृणमूल नेता शिवप्रसाद हाजराको फर्महरूलाई जलाइएको कथित संलिप्ततालाई कारण बताएर आइतवार इण्डियन सेक्युलर फ्रन्ट (आइएसएफ) नेता आयशा बीबीलाई पक्राउ गरिएको छ। एक अधिकारीले यसको जानकारी दिए। उनले भने, पुलिसले त्यहाँ तोड़फोड़मा कथित संलिप्तताको निम्ति केही गाउँलेहरूलाई पनि हिरासतमा लिएको छ। यद्यपि, अधिकारीले हिरासतमा लिइएका गाउँलेहरूको संख्या बताएनन्। कोलकातादेखि लगभग 100 किलोमीटर टाढ़ा सुन्दरवनको सीमा स्थित सन्देशखीमा जमीन कब्जा गरेको र यौन शोषणको आरोपहरूमा तृणमूल नेता शाहजहां शेख विरूद्ध एक महिनाभन्दा पनि अधिक समयदेखि विरोध प्रदर्शन चलिरहेछ। शाहजहां अहिले फरार बताइएका छन्।
