सिलगढ़ी, 07 जुलाई (हि.स.)। आँप लादिएको पिकअप भ्यान र लरी आपस्तमा ठोक्किएर एकजना मानिसको मृत्यु भयो भने दुईजना मानिसहरू गम्भीर रूपमा घाइते भए। घटना सोमवार बिहान बागडोगराको सन्यासी चिया बगानस्थित दुई नम्बर एशियन हाइवेमा भएको हो। मृतकको पहिचान बिहार निवासी गुड्डु कुमार यादवको रूपमा भएको छ।
प्राप्त जानकारी अनुसार एउटा पिकअप भ्यान बिहारदेखि आँप लिएर सिलगढ़ी तर्फ आइरहेको थियो। सन्यासी चिया बगान क्षेत्रमा पुगेपछि विपरीत दिशाबाट आइहेको लरीसित ठोक्कियो। दुर्घटना भयानक थियो जसले गर्दा पिकअप पूर्ण रूपले क्षतिग्रस्त भएको छ। पिकअपमा बसेका एकजना व्यक्तिको घटनास्थलमै मृत्यु भयो भने दुईजना गम्भीर रूपमा घाइते भए। स्थानीय मानिसहरूले दुवैलाई उत्तर बंगाल मेडिकल कलेज एवं अस्पतालमा पठाइदिए। घटनापछि लरी चालक भाग्न सफल भयो। अर्कोतिर घटनाको सूचना पाउनसाथ बागडोगरा थानाको पुलिसले घटनास्थलमा पुगेर दुवै वाहनलाई जफ्त गरी घटनाको जाँच शुरू गरेको छ।
—————
हिन्दुस्थान समाचार / उष्णता छेत्री शर्मा
