भोपाल, 07 अप्रेल : लोकसभा चुनाउको निम्ति कांग्रेसले मध्यप्रदेशका बाकी तीन संसदीय सीटमा आफ्नो उम्मेदवारहरूको नामको घोषणा गरेको छ। पार्टीले ग्वालियरबाट पूर्व विधायक प्रवीण पाठक, खण्डवाबाट नरेन्द्र पटेल र मुरैनाबाट पूर्व विधायक सत्यपाल सिकरवारलाई प्रत्याशी बनाएको छ। यी उम्मेदवारहरूको घोषणाको साथ प्रदेशका सबै 29 संसदीय सीटहरूमा प्रत्याशीहरूलाई लिएर स्थिति स्पष्ट भइसकेको छ।
ज्ञात होस्, कांग्रेसले यसअघि तीन सूची जारी गरेको थियो। एक सूचीमा 10, दोस्रोमा 12 र तेस्रो सूचीमा 3 उम्मेदवारको नाम घोषित गरिएको थियो। यस प्रकार कांग्रेसले 25 सीटमा उम्मेदवारको घोषणा गरेको थियो। तीन सीटमा लामो समयदेखि मन्थन चलिरहेको थियो। पार्टीका राष्ट्रिय महासचिव केसी वेणुगोपालले शनिवार तीन राज्यका आठ उम्मेदवारको सूची जारी गरेको छ, जसमा मध्य प्रदेशको तीन सीटमा उम्मेदवारहरूको नाम पनि सामेल छ।
कांग्रेसले मुरैना-श्योपुर सीटबाट सत्यपाल सिकरवार ‘नीटू‘ लाई उम्मेदवार बनाएको छ। सिकरवार सुमावलीबाट भाजपा विधायक रहेका छऩ्। उनलाई 2020 मा भएको विधानसभा उपचुनाउमा भितरघातको आरोपहरूको कारण भाजपाले पार्टीबाट निष्कासित गरेको थियो। उनका दाज्यू सतीश सिकरवार ग्वालियरबाट कांग्रेस विधायक र भाउजू शोभा सिकरवार ग्वालियर महापौर हुन्। ग्वालियरबाट पूर्व विधायक प्रवीण पाठकलाई अवसर दिइएको छ जबकि खण्डवाबाट नरेन्द्र पटेललाई टिकट दिइएको छ।
