गुवाहाटी, 27 नोभेम्बर (हि.स.)। असमका मुख्यमन्त्री डा. हिमन्त बिस्व सरमाको अध्यक्षतामा गए बुधवार लोकसेवा भवन, दिसपुरमा राज्य मन्त्रीमण्डलको महत्वपूर्ण बैठक आयोजना गरियो जसमा केही प्रमुख निर्णयहरू लिइयो।
बैठकमा यो तय गरियो, राज्यका छः विशाल समुदायहरू क्रमैले ताई अहोम, चुतिया, मोरान, मटक, कोच राजवंशी औ चिया आदिवासीलाई अनुसूचित जनजाति (एसटी)-को दर्जा दिनेसित सम्बन्धित प्रस्तावमाथि गठित मन्त्रीमण्डलीय समितिको रिपोर्टलाई असम विधानसभामा पेश गरिनेछ। क्याबिनेटले यस रिपोर्टलाई विधानसभामा प्रस्तुत गर्ने स्वीकृति दिएको छ। रिपोर्ट विधानसभामा दर्ता भएपछि राज्य सरकारलेयसलाई केन्द्रिय गृहमन्त्रालयमा पठाउनेछ।
यो समिति शिक्षा मन्त्री डा. रनोज पेगूको अध्यक्षतामा गठन गरिएको थियो जसमा जल संसाधन मन्त्री पीयूष हजारिका र सूचना-प्रौद्योगिकी मन्त्री केशव महन्त सदस्य थिए।
मन्त्रीमण्डलले खानापाड़ास्थित रेशम नगरमा हस्ततान्तरित वस्त्र एवं रेशम विभाग अधिनस्थ सरकारी मुगा फार्मको तीन बिघा भूमिलाई हस्तान्तर गर्ने प्रस्तावमा संशोधन गर्दै त्यहाँ एउटा अत्याधुनिक संग्रहालय स्थापना गर्नको लागि भूमिलाई सांस्कृतिक मामिलाको विभागलाई हस्तान्तरण गर्ने अनुमति पनि दियो। यो संग्रहालय जेएसडब्ल्यू एआई एवं पी होल्डिंग्स प्रा. लि. -को सहयोगमा निर्माण हुनेछ जसको उद्देश्य असमको बहुमूल्य विरासत अनि सांस्कृतिक धरोहरलाई संरक्षित एवं प्रदर्शित गर्नु हो।
साथै संग्रहालयमा लण्डनको ब्रिटिश म्यूजियमबाट ‘वृन्दावनी वस्त्र’-लाई अस्थायी रूपमा ल्याएर प्रदर्शन गर्ने व्यवस्था पनि गरिनेछ।
यस अतिरिक्त मन्त्रीमण्डलले गुवाहाटीको दक्षिण गाउँस्थित असम सर्वे एवं बन्दोबस्त प्रशिक्षण केन्द्रका शिक्षकहरूको नियुक्ति, सेवा शर्त एवं पदोन्ति प्रक्रियालाई विनियमित गर्नको लागि ‘असम सर्वे एवं बन्दोबस्त प्रशिक्षण केन्द्र शिक्षक सेवा न-यम, 2025’-लाई पनि स्वीकृति दिएको छ। साथै मन्त्रीमण्डलको बैठकमा अन्य महत्वपूर्ण प्रस्तावहरू पनि पारित गरियो।
हिन्दुस्थान समाचार / उष्णता छेत्री शर्मा
