बेङ्गलुरू, 27 नोभेम्बर (हि.स.)। प्रधानमन्त्री नरेन्द्र मोदी 28 नोभेम्बरमा कर्नाटकको उडुपी स्थित श्रीकृष्ण मठमा आयोजित गीतोत्सव कार्यक्रममा सहभागी बन्नेछन्। प्रदेश भाजपा अध्यक्ष बी.वाई.विजयेन्द्रले सोशल मीडियामा यो जानकारी साझा गरे। उनले भने, प्रधानमन्त्रीको पवित्र श्रीकृष्ण क्षेत्रमा आगमन न केवल उडूपीको निम्ति तर पूरा कर्नाटकको निम्ति गौरवको क्षण हो।
भाजपा नेता विजयेन्द्रले बताए, यस पवित्र समागममा प्रधानमन्त्रीको उपस्थितिले भारतीय सभ्यता र आध्यात्मिक चेतनाको स्थायी विरासतको सम्झना गराउँछ। मोदीको नेतृतवमा भारत वैश्विक मंचमा शक्तिशाली राष्ट्रको रूपमा अघि आइरहेको छ। गीतोत्सवमा उनको सहभागिता आध्यात्मिक मूल्यहरूका साथै सांस्कृतिक गौरवको प्रतीक हो।
हिन्दुस्थान समाचार / भवानी थामी
