বেচেল, ২৮ জুলাই (হি.স.)। ইংলেণ্ডৰ মহিলা ফুটবল দলে দেওবাৰে ইউএফএ মহিলা ইউৰো ২০২৫ৰ ফাইনেলত পেনাল্টি শ্বুটআউটত স্পেইনক ৩-১ গ’লত পৰাস্ত কৰি খিতাপ দখল কৰে। ইংলেণ্ডে একেৰাহে দ্বিতীয়বাৰৰ বাবে ইউৰো কাপ জয় কৰিবলৈ সক্ষম হৈছে। নিয়মীয়া সময় আৰু অতিৰিক্ত সময়ৰ পিছত ১-১ গ’লত খেলখন সমাপ্ত হয়, তাৰ পিছত পেনাল্টি শ্বুটআউটৰ জৰিয়তে সিদ্ধান্ত লোৱা হয়।
খেলখনৰ ২৫ মিনিটত অনা বাটলেৰ ক্ৰছৰ পৰা মাৰিঅ’না কেলডেণ্টেইৰ হেডাৰৰ জৰিয়তে স্পেইনে অগ্ৰগতি লাভ কৰে। এই সময়ছোৱাত ইংলেণ্ডৰ ডিফেন্সে সম্পূৰ্ণৰূপে ব্য়ৰ্থ হোৱাৰ বাবে গ’লৰক্ষক হান্না হেম্পটনে বল ৰক্ষা কৰিব নোৱাৰিলে।
দ্বিতীয়াৰ্ধত ইংলেণ্ডে উভতি আহি ৫৭ মিনিটত ক্ল’ কেলিৰ সুন্দৰ ক্ৰছৰ পৰা এলেছিয়া ৰুছ’ই হেডাৰেৰে গ’ল দি স্ক’ৰ ১-১ কৰে।
গোটেই মেচখনত স্পেইনে বলৰ দখল নিয়ন্ত্ৰণ কৰি অহৰহ হেঁচা প্ৰয়োগ কৰিছিল যদিও ইংলেণ্ডৰ শক্তিশালী ৰক্ষণাবেক্ষণৰ বাবে অতিৰিক্ত সময়লৈকে আৰু গ’ল দিব পৰা নাছিল।
পেনাল্টি শ্বুটআউটত ইংলেণ্ডে আগতীয়াকৈ আঘাতৰ সন্মুখীন হ’বলগীয়া হয়, যেতিয়া কাত্য ক’লে বেথ মিডৰ কিক ৰক্ষা কৰে। কিন্তু তেতিয়া ইংলেণ্ডৰ গ’লৰক্ষক হান্না হেম্পটনে নিজৰ যাদু দেখুৱাই মাৰিয়না কেলডেণ্টে আৰু আইটানা বনমাটিৰ কিক ৰোধ কৰে।
লিয়া উইলিয়ামছনৰ কিকটো ৰক্ষা কৰি ক’লে স্পেইনৰ আশা জীয়াই ৰাখিছিল যদিও ছালমা পাৰায়ুৱেলোৱে গুৰুত্বপূৰ্ণ মুহূৰ্তত বলটো গ’লৰ বাহিৰলৈ মাৰি হতাশ কৰে।
ইয়াৰ পিছতে ২০২২ চনৰ ফাইনেলৰ নায়ক ক্ল’ কেলিয়ে পুনৰবাৰ ইতিহাসৰ আওৰাইছিল। ট্ৰেডমাৰ্ক প্ৰেন্সিং ৰান আপৰ সৈতে তেওঁ বলটো গ’লপোষ্টত আঘাত কৰিলে আৰু উদযাপনৰ বাবে সতীৰ্থসকলৰ সৈতে ইংলেণ্ডৰ অনুৰাগীৰ ফালে দৌৰি গ’ল।
মেচৰ পিছত ক্ল’ কেলিয়ে কয়, মই এই দলটোৰ বাবে অত্যন্ত গৌৰৱান্বিত, এই বেজটো পিন্ধিবলৈ পাই কৃতজ্ঞ আৰু ইংলিছ হোৱাৰ বাবে গৌৰৱান্বিত। মই একেবাৰে নিশ্চিত আছিলো যে মোৰ কিকটো নেটত যাব।
১৯৮৪ চনত উদ্বোধনী সংস্কৰণৰ পিছত ইউএফএ মহিলা ইউৰোৰ ফাইনেলত প্ৰথমবাৰৰ বাবে পেনাল্টি শ্বুটআউটৰ সিদ্ধান্ত লোৱা হৈছিল। সেই সময়ত ইংলেণ্ডে ছুইডেনৰ হাতত পৰাজয়ৰ সন্মুখীন হ’বলগীয়া হৈছিল যদিও এইবাৰ ইংৰাজ লায়নেছে ইতিহাসৰ সৃষ্টি কৰিছিল।
हिन्दुस्थान समाचार / মনোজ কুমাৰ শইকীয়া
