ওদালগুৰি, ২০ জুলাই (হি.স.)। ওদালগুৰিৰ টংলাৰ হাতীবন্ধাত যোৱা নিশা গুলীচলনাৰ ঘটনা। গুলীৰ আঘাটত বৰ্তমান গুৰুতৰ ভাবে আহত ৰেব বড়োক টংলাৰ চিকিৎসালত ভৰ্ত্তি কৰা হৈছে। ইতিমধ্যে আৰক্ষীয়ে ঘটনাৰ সৈতে জড়িত এজন লোক আটক কৰিছে । আটক কৰা লোকজনৰ নাম গোলাপ বড়ো।
জানিব পৰা অনুসৰি গোলাপ বড়োৱে গুলী চলনা কৰিছিল।হাঁহৰ মাংস বনাই নিদিয়াৰ বাবে কাজিয়াৰ সূত্ৰপাত হয় দুই বন্ধুৰ মাজত। ফলশ্ৰুতিত, গোলাপ বড়োৱে বন্ধুক লক্ষ্য কৰি গুলী চালনা কৰে বুলি প্ৰাৰম্ভিক তথ্যত জানিবলৈ পৰা গৈছে। ঘটনাৰ বিষয়ে অবগত হই আৰক্ষী উপস্থিত হোৱাৰ পূৰ্বে ঘটনাস্থলীত স্থানীয় ৰাইজ উপস্থিত হই আৰু অপৰাধী গোলাপ বড়োক প্ৰহাৰ কৰি আহত কৰে। আৰক্ষী পিছত অপৰাধী গোলাপ বড়োক ৰাইজৰ হাতৰ পৰা উদ্ধাৰ কৰি ওডালগুৰি আৰক্ষী থানালৈ আনি সোধাপোচা কৰাৰ অন্তত চিকিতসালয়ত ভৰ্তি কৰে।
হিন্দুস্থান সমাচাৰ / কিশোৰ মিশ্ৰ
