৮.৪ শতাংশ বৃদ্ধিয়ে ভাৰতীয় অৰ্থনীতিৰ শক্তি প্ৰতিফলিত কৰিছেঃ প্ৰধানমন্ত্ৰী

নতুন দিল্লী :  প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে চলিত বিত্তীয় বৰ্ষৰ তৃতীয় ত্ৰৈমাসিকৰ তথ্যক লৈ সন্তোষ প্ৰকাশ কৰি কয় যে ৮.৪ শতাংশ শক্তিশালী মুঠ ঘৰুৱা উৎপাদন (জিডিপি) বৃদ্ধিয়ে ভাৰতীয় অৰ্থনীতিৰ শক্তি আৰু ইয়াৰ সম্ভাৱনাক প্ৰতিফলিত কৰিছে।

ৰাষ্ট্ৰীয় পৰিসংখ্যা কাৰ্যালয়ৰ শেহতীয়া তথ্য অনুসৰি চলিত বিত্তীয় বৰ্ষ ২০২৩-২৪ৰ তৃতীয় ত্ৰৈমাসিকত (অক্টোবৰ-ডিচেম্বৰ) দেশৰ মুঠ ঘৰুৱা উৎপাদনৰ অৰ্থনৈতিক বৃদ্ধিৰ হাৰ ৮.৪ শতাংশ।

প্ৰধানমন্ত্ৰী মোদীয়ে টুইটাৰযোগে এক পোষ্টযোগে কয়, ‘২০২৩-২৪ চনৰ তৃতীয় ত্ৰৈমাসিকত ৮.৪ শতাংশ জিডিপি বৃদ্ধিয়ে ভাৰতীয় অৰ্থনীতিৰ শক্তি আৰু ইয়াৰ সম্ভাৱনাক প্ৰতিফলিত কৰিছে। “আমাৰ প্ৰচেষ্টা অব্যাহত থাকিব দ্রুত অর্থনৈতিক বৃদ্ধি যিয়ে ১৪০ কোটি ভাৰতীয়ক উন্নত জীৱন যাপন কৰাত সহায় কৰিব আৰু এখন উন্নত ভাৰত গঢ়ি তুলিব৷”