نئی دہلی، ۔ 25 رکنی سینئر مردوں کی بھارتی فٹ بال ٹیم فیفا ورلڈ کپ 2026 اور اے ایف سی ایشین کپ 2027 کی ابتدائی مشترکہ اہلیت کے راونڈ 2 میں افغانستان کے خلاف کھیلنے کے لیے جمعہ کو سعودی عرب روانہ ہوئی۔
بھارتی ٹیم 21 مارچ 2024 کو ابھا میں افغانستان کے خلاف میچ کھیلے گی۔ اس کے بعد افغانستان کے خلاف بھارتی ٹیم کا گھریلو میچ 26 مارچ 2024 کو اندرا گاندھی ایتھلیٹک اسٹیڈیم، گوہاٹی میں کھیلا جائے گا۔
بھارت فی الحال کوالیفائر کے گروپ اے میں کویت کے ساتھ تین پوائنٹس پر برابری پر ہے، جو گول کے فرق کی بنیاد پر آگے ہے۔ بلیو ٹائیگرز نے کوالیفائر کے اپنے ابتدائی میچ میںکویت سٹی میں کویت کو (1-0) سے شکست دی، اس سے پہلے وہ بھونیشور میں قطر سے (0-3) سے شکست کھا گیا تھا۔ قطر اس وقت چھ پوائنٹس کے ساتھ گروپ میں سرفہرست ہے۔
ہندوستانی ٹیم درج ذیل ہے۔
گول کیپر: گرپریت سنگھ سندھو، امریندر سنگھ، وشال کیتھ۔
ڈیفنڈرز: آکاش مشرا، مہتاب سنگھ، راہل بھیکے، نکھل پجاری، سبھاشیش بوس، انور علی، امے راناواڑے، جے گپتا۔
مڈ فیلڈرز: انیرودھ تھاپا، برینڈن فرنانڈیز، لسٹن کولاکو، مہیش سنگھ ناوریم، سہل عبدالصمد، سریش سنگھ وانگجام، جیکسن سنگھ تھوناوجام، دیپک ٹانگری، لالینگ ماویہ رالٹے، عمران خان۔
فارورڈ: سنیل چھیتری، لالیانزوالا چانگٹے، منویر سنگھ، وکرم پرتاپ سنگھ۔
