نئی دہلی ۔
پاکستان کے مایہ ناز بلے باز آغا سلمان نے وراٹ کوہلی کے بارے میں بڑا انکشاف کر دیا ہے۔ انہوں نے بتایا کہ جب گزشتہ سال آئی پی ایل کے دوران وراٹ کوہلی اور گوتم گمبھیر کے درمیان جھگڑا ہوا تو انہوں نے وراٹ کوہلی کو میسج کیا تھا۔ آغا سلمان کے مطابق دنیا میں کوئی کرکٹ شائقین ایسا نہیں ہوگا جو وراٹ کوہلی کو پسند نہ کرتا ہو۔
دراصل، آئی پی ایل 2023 کے دوران، لکھنو¿ سپر جائنٹس اور رائل چیلنجرز بنگلور کے درمیان میچ کے بعد وراٹ کوہلی اور گوتم گمبھیر کے درمیان گرما گرم بحث ہوئی تھی۔ پہلے وراٹ کوہلی اور نوین الحق کے درمیان کچھ بات چیت ہوئی اور اس کے بعد گوتم گمبھیر اس میں آگئے اور پھر ان کے اور کوہلی کے درمیان میدان پر جھگڑا ہوا۔ یہی وجہ تھی کہ وراٹ کوہلی اور گوتم گمبھیر پر میچ فیس کا 100 فیصد جرمانہ عائد کیا گیا جب کہ نوین الحق پر بھی میچ فیس کا 50 فیصد جرمانہ عائد کیا گیا۔ اس سے قبل بھی گوتم گمبھیر اور وراٹ کوہلی کے درمیان آئی پی ایل میں جھڑپ دیکھنے میں آچکی ہے اور شائقین اس واقعے کو آج تک نہیں بھولے ہیں۔
آغا سلمان کے مطابق وہ وراٹ کوہلی کی بہت عزت کرتے ہیں اور اسی لیے انہوں نے اس لڑائی کے بعد انہیں میسج کیا۔ پی ایس ایل میں اپنی ٹیم اسلام آباد یونائیٹڈ سے گفتگو کرتے ہوئے انہوں نے کہا کہ
میں وراٹ کوہلی کا بہت احترام کرتا ہوں۔ مجھے نہیں لگتا کہ دنیا میں کوئی کرکٹ شائقین ہوگا جو ان کی عزت نہ کرتا ہو۔ میں نے انہیںمیسیج کیا۔ میں آپ کو اس بارے میں تفصیل سے نہیں بتاو¿ں گا لیکن میں نے شروع میں لکھا تھا ‘وراٹ بھائی۔’ جب آئی پی ایل 2023 کے دوران گوتم گمبھیر کے ساتھ ان کی لڑائی ہوئی تھی تو میں نے انہیں میسج کیا تھا۔
