برلن، 14 دسمبر (ہ س)۔
بوروسیا ڈورٹمنڈ نے بدھ کو پیرس سینٹ جرمین کے ساتھ 1-1 سے ڈرا کے ساتھ اپنے گروپ میں سرفہرست مقام حاصل کیا، جب کہ آر بی لیپزگ نے ینگ بوائز کو 1-2 سے ہرا کر یو ای ایف اے چیمپئنز لیگ میں گروپ جی میں دوسرے نمبر پر جگہ بنالی۔ اس کے ساتھ ہی دونوں ٹیموں نے آخری 16 راونڈ میں جگہ بنالی۔ ڈورٹمنڈ اور پی ایس جی کے درمیان تصادم انتہائی شدت کے ساتھ شروع ہوا، کیونکہ دونوں ٹیموں نے جارحانہ آغاز کیا۔ پہلے ہاف میں دونوں ٹیموں کو گول کرنے کے کئی مواقع ملے لیکن کوئی بھی ٹیم کامیاب نہ ہو سکی۔ پہلا ہاف بغیر کسی گول کے ختم ہوا۔
دوسرے ہاف میں بھی دونوں ٹیموں نے جارحانہ رویہ اپنایا، حالانکہ میچ کا پہلا گول ڈورٹمنڈ نے کیا۔ میچ کے 51ویں منٹ میں کریم عدیمی نے گول کر کے ڈورٹمنڈ کو برتری دلا دی۔
حالانکہ اس گول کے صرف 5 منٹ بعد ہی میچ کے 56 ویں منٹ میں وارین زیرے ایمری نے گول کر کے پی ایس جی کو 1-1 سے برابر کر دیا اور آخر میں یہ اسکور فیصلہ کن ثابت ہوا۔ ڈورٹمنڈ نے گروپ ایف کے گروپ مرحلے کا اختتام میں ٹاپ پر کیا، اس کے بعد پی ایس جی، اے سی میلان اور نیو کیسل ہیں۔
ایک دیگر میچ میں لیپزگ نے بینجامن سیسکو اور ایمل فورسبرگ کے دوسرے ہاف کے گئے گول کی بدولت ینگ بوائز پر 1-2 سے کامیابی حاصل کی۔ اس جیت کے ساتھ ہی لیپزگ گروپ جی میں مانچسٹر سٹی کو پیچھے چھوڑ کر دوسرے نمبر پر پہنچ کر ناک آوٹ مرحلے میں پہنچ گئی۔
ہندوستھان سماچار//محمد
