سونی پت، 22 جنوری (ہ س)۔
پیر کی صبح کامی گاو¿ں میں واقع میرا گاوں میرا دیش ریزورٹ میں ازبکستان کی ایک لڑکی اور دہلی کے ایک نوجوان کی دو لاشیں مشتبہ حالت میں ملی تھیں۔ ان دونوں کی لاشیں کمرہ نمبر 14 سے نیم عریاں حالت میں ملی تھیں۔ صبح دونوں کی لاشیں دیکھ کر کارکنوں نے پولیس کو اطلاع دی۔ اطلاع ملنے پر پولیس نے موقع پر پہنچ کر لاشوں کو تحویل میں لے لیا۔
پولیس نے ابتدائی تفتیش کی تو لڑکی کا پاسپورٹ مل گیا۔ جس میں اس کی شناخت ازبیکستان کی رہنے والی عبدالویہ مخلیو کے طور پر ہوئی ہے اور نوجوان کی شناخت ہمانشو کے طور پر ہوئی ہے جو اشوک وہار، دہلی کا رہنے والا ہے۔ پولیس نے لاشوں کو تحویل میں لے کر سول اسپتال پہنچا دیا۔ نوجوان کے اہل خانہ اسپتال پہنچ گئے ہیں۔ حالانکہ وہ کچھ بتانے سے انکار کر رہے ہیں ۔ لڑکی کے لیے سفارت خانے سے رابطہ کر لیا گیا ہے۔
دہلی کے اشوک وہار کا رہنے والا ہمانشو ازبکستان کے رہنے والے اپنے غیر ملکی دوست عبدالویہ مخویلیا کے ساتھ ریزورٹ میں رہنے آیا تھا لیکن صبح جب دونوں کمرے سے باہر نہ آئے تو ریزورٹ کے عملے کو شک ہوا۔ کہ کوئی بھی کمرے سے باہر نہیں آ رہا تھا۔ کمرے کے اندر دیکھا تو دونوں مردہ پڑے تھے۔
تھانہ انچارج کرم جیت نے بتایا کہ ہمیں اطلاع ملی تھی کہ میرا گاوں میرا دیش ریزورٹ میں دو لوگوں کی مشتبہ حالات میں موت ہوئی ہے۔ کمرے سے شراب کی بوتل اور کچھ چیزیں برآمد ہوئی ہیں جنہیں تحویل میں لے لیا گیا ہے۔ موت کی وجہ پوسٹ مارٹم رپورٹ آنے کے بعد ہی سامنے آئے گی۔ غیر ملکی سفارتخانوں سے رابطہ کیا جا رہا ہے اور ہمانشو کا خاندان سونی پت پہنچ گیا ہے۔
کامی کے قریب واقع ریزورٹ میرا گاوں میرا دیش میں اتوار کی رات 8.30 بجے ایک نوجوان اور لڑکی نے ایک کمرہ بک کرایا تھا۔ صبح دونوں کمرے میں مردہ پائے گئے۔ نوجوان کی لاش باتھ روم کے باہر پڑی تھی اور لڑکی بیڈ پر پڑی تھی۔ دونوں نیم برہنہ پائے گئے۔ کارکنوں نے لاشیں دیکھ کر پولیس کو اطلاع دی۔
ہندوستھان سماچار
