کمپالا، 5 دسمبر (ہ س)۔ یوگنڈا نے انٹرنیشنل کرکٹ کونسل (آئی سی سی) ٹی- 20 ویمنز ورلڈ کپ کوالیفائر کے لیے 14 رکنی قومی ٹیم کا اعلان کر دیا ہے۔
کوچ لارنس سیسیماتمبا نے پیر کو انٹیبی کرکٹ اوول میں 7 سے 17 دسمبر تک ہونے والے کوالیفائرز سے قبل اسکواڈ کا اعلان کیا۔
سیسیماتمبا نے سنہوا کو بتایا، ’’ہم اس ٹیم کو تیار کرنے کے لیے بہت محنت کر رہے ہیں اور آخر کار ہم نے ایسے کھلاڑیوں کا انتخاب کیا ہے جن کے بارے میں ہمیں یقین ہے کہ وہ کوالیفائر میں اچھی کارکردگی کا مظاہرہ کرنے کے لیے تیار ہیں۔‘‘
یوگنڈا گروپ بی میں نامیبیا، نائیجیریا اور روانڈا کے ساتھ گروپ بی میں ہے اور اس کی کپتانی کونسی اویکو کریں گی۔ گروپ اے میں زمبابوے، تنزانیہ، بوتسوانا اور کینیا شامل ہیں۔
ٹاپ دو ٹیمیں اگلے سال دبئی میں ہونے والے عالمی کوالیفائر کے لیے کوالیفائی کریں گی۔ بنگلہ دیش 2024 کے ٹی ٹوئنٹی ویمنز ورلڈ کپ کی میزبانی کرے گا۔
یوگنڈا کرکٹ ایسوسی ایشن کے سی ای او ایلن موگومے نے کہا،’’ہم نے اس بات کو یقینی بنانے کے لیے سب کچھ کیا ہے کہ ہم اچھے میزبان ہیں اور ایک مضبوط ٹیم بھی میدان میں اتاریں گے جو کوالیفائر کے اگلے مرحلے کے لیے کوالیفائی کر سکے۔‘‘
یوگنڈا کی ٹیم اس طرح ہے:
کیون ایوینو، پروسکوویا الاکو، آئرین الومو، جینیٹ مبابازی، ایولن اینیپو، کونسی اویکو (کپتان)، پیٹریسیا مالمیکیا، امیکولیٹ نکیسوئی، اسٹیفنی نمپینا، لورنا انیت، ریتا مسامالی، ایستیر الوکو، ملیسا ایریوکوٹ، ساراکیتینگ۔
یوگنڈا 10 دسمبر کو روانڈا کے خلاف کوالیفائر میں اپنی مہم کا آغاز کرے گا۔
ہندوستھان سماچار//سلام
