حیدرآباد، 7 ۔ فروری(ہ س)۔
تلنگانہ مقننہ کا بجٹ اجلاس جمعرات سے شروع ہوگا۔ ریاست میں کانگریس کی حکومت کی تشکیل کے بعد مقننہ کا یہ پہلا بجٹ سیشن ہوگا۔ پہلے دن گورنر ڈاکٹر تمیلی سائی سوندراراجن قانون ساز اسمبلی اور قانون ساز کونسل کے اراکین کے مشترکہ اجلاس سے خطاب کریں گے۔
بجٹ سیشن کے کام کے دنوں کا فیصلہ بزنس اڈوائزری کمیٹی کے اجلاس میں ہوگا۔ کل سے شروع ہونے والے بجٹ اجلاسوں کے پیش نظر قانون ساز اسمبلی کے احاطے میں سکیورٹی کے انتظامات سخت کر دیے گئے ہیں۔
