یوم جمہوریہ پر دہلی میں نہیں نظر آئے گی بنگال کی جھانکی
۔ مرکز نے درخواست منسوخ کر دی
کولکاتا، 30 دسمبر (ہ س)۔ نئے سال 2024 میں بھی مغربی بنگال اور مرکزی حکومت کے درمیان تنازعہ کم ہونے کے کوئی آثار نظر نہیں آ رہے ہیں۔ 26 جنوری کو یوم جمہوریہ کے موقع پر دہلی کے راج پتھ پر نکلنے والی جھانکیوں میں مغربی بنگال کی جھانکی شامل نہیں ہوگی۔ ریاستی حکومت نے اپنی طرف سے جس جھانکی کو دکھانے کی درخواست کی تھی، جسے مرکزی حکومت نے مسترد کر دیا ہے۔
مغربی بنگال کی طرح پنجاب کی جھانکی کو بھی رد کر دیا گیا ہے۔ ریاستی سکریٹریٹ نوان کے ایک عہدیدار نے کہا ہے کہ وزیر اعلیٰ ممتا بنرجی کے ڈریم پروجیکٹ ’’کنیا شری‘‘ کے تھیم پر جھانکی نکلانے کا منصوبہ بنایا گیا تھا۔ بچیوں کے اسکول چھوڑنے کی شرح کو کم کرنے اور ان کی تعلیم میں مالی مدد فراہم کرنے کے لیے مغربی بنگال حکومت کے اس اہمیت کے حامل پروجیکٹ کی نمائش کی تیاریاں بھی شروع کردی گئی تھیں۔ تاہم مرکزی حکومت نے اس کی اجازت نہیں دی۔
ریاستی وزیر ششی پانجا نے اس سلسلے میں کہا ہے کہ ممتا بنرجی کے اس اہمیت کے حامل منصوبے کو اقوام متحدہ سے ایوارڈ مل چکا ہے۔ حقیقت یہ ہے کہ یہ پروجیکٹ مرکزی حکومت کے ’بیٹی بچاو بیٹی پڑھاو‘ مشن پر بھاری پڑا ہے۔ اس لیے مرکز ممتا بنرجی کے بچیوں کو آگے لانے کے منصوبے کو اہل وطن کے سامنے نہیں آنے دینا چاہتا ہے۔
ہندوستھان سماچار
/شہزاد
