ڈاکٹر امبیڈکر کے مجسمہ کو نقصان پہنچانے پر عوام مشتعل
میرٹھ، 08 دسمبر (ہ س)۔ سماج دشمن عناصر نے میرٹھ ضلع کے پلاوپورم تھانہ علاقہ کے دھن جو گاؤں میں ڈاکٹر امبیڈکر کی مورتی کو نقصان پہنچایا۔ جمعہ کو جب لوگوں کو اس کا علم ہوا تو زبردست ہنگامہ ہوا۔ پولیس نے ملزمان کے خلاف کارروائی کرنے اور نیا مجسمہ نصب کرنے کی یقین دہانی کراکے لوگوں کو خاموش کیا۔
دھن جو گاؤں میں ڈاکٹر بھیم راؤ امبیڈکر کا مجسمہ کئی سالوں سے نصب ہے۔ جمعرات کی شب کچھ سماج دشمن عناصر نے ڈاکٹر امبیڈکر کے مجسمہ کو نقصان پہنچایا۔ جمعہ کو جب لوگوں نے مورتی کو ٹوٹا دیکھا تو وہ ناراض ہو گئے۔ لوگوں نے احتجاج شروع کر دیا۔ یہ معلوم ہوتے ہی بہوجن دل پارٹی کے قومی صدر اتل کھوڈوال بھی وہاں پہنچ گئے اور اپنے کارکنوں کے ساتھ دھرنا شروع کر دیا۔
اطلاع ملتے ہی پلاوپورم پولیس موقع پر پہنچ گئی۔ پولیس نے احتجاج کرنے والے لوگوں کو ملزمان کے خلاف سخت کارروائی کرنے اور نیا مجسمہ نصب کرنے کی یقین دہانی کرائی۔ پلاوپورم پولیس اسٹیشن انچارج جے پرکاش کے مطابق واقعہ کی اطلاع ملتے ہی چوکی انچارج پولیس فورس کے ساتھ موقع پر پہنچ گئے۔ پولیس ملزمان کے خلاف سخت کارروائی کرے گی۔
ہندوستھان سماچار
/شہزاد
