حیدرآباد، 28 دسمبر(ہ س)۔ تلنگانہ کےوزیراعلی اے ریونت ریڈی نےالزام عائد کیاکہ سابق بی آرایس حکومت نے اسمبلی الیکشن سے قبل کسی کے علم میں لائے بغیر اس امیدپر22ٹویوٹا لینڈکروزرگاڑیاں خریدی تھیں،کہ ریاست میں بی آرایس دوبارہ برسراقتدارآئے گی اورکے چندرشیکھرراؤتیسری بارریاست کے وزیراعلی رہیں گے۔پرجاپالنا پروگرام کے آغازکے بعدصحافیوں سے بات چیت کرتے ہوئے وزیراعلی ریونت ریڈی نے کہا کہ پیشروحکومت کی ناکامیوں کی وجہ سے عوام کومسائل کا سامناہے۔انہوں نے کہا کہ بحیثیت وزیراعلی حلف برداری کے بعدمیں نےعہدیداروں کوہدایت دی تھی کہ وہ میرے قافلہ کیلئے نئی گاڑیاں نہ خریدیں مگرسابق بی آر ایس حکومت نے22لینڈ کروزرس گاڑیاں خریدی تھیں اوران تمام گاڑیوں کووجئے واڑہ میں رکھاگیاتھا۔تاہم وزیراعلی بننے کے 10دنوں تک بھی وہ،اس بارے میں لا علم تھے،انہوں نے عہدیداروں کو ہدایت دی کہ وہ پرانی گاڑیوں کی مرمت کرائیں تاکہ ان گاڑیوں کاوہ خود استعمال کریں گے۔تب عہدیداروں نے مجھے بتایاکہ آخری وقت میں بی آرایس حکومت نے 22لینڈ کروزرس گاڑیاں خریدی تھیں اوران گاڑیوں کووجئے واڑہ میں رکھا گیاہے۔حکومت، کے سی آر،کے بحیثیت وزیراعلی کے عہدہ کا جائزہ حاصل کرنے کے بعدان گاڑیوں کوحیدرآبادلاناچاہتے تھے۔جب عہدیداروں نے ان نئی گاڑیوں کے بارے میں مجھے بتایاتووہ حیرت زدہ رہ گئے۔ہرایک گاڑی کی قیمت3کروڑہے اوریہ گاڑیاں بلٹ پروف ہیں۔انہوں نے وضاحت کرتے ہوئے کہا کہ تلنگانہ پبلک سرویس کمیشن کے صدرنشین اور ارکان کے مکتوبات استعفیٰ گورنر کے پاس زیرالتواء ہیں،گورنرجب ان استعفوں کومنظوری دیں گی، نیابورڈتشکیل دیاجائےگااورجاب کیلنڈرکے تحت تقررات کے عمل کو2024 کے اواخرتک مکمل کرلیا جائےگا۔وزیراعلی نے کہا کہ28 دسمبر تا 6 جنوری پر جاپالانا پروگرام منعقد ہوگا۔ جس میں عوام سے درخواستیں وصول کی جائیں گی۔
ہندوستھان سماچار//سلام
