بھوپال میں سوم گروپ کے 50 سے زیادہ مقامات پر آئی ٹی کے چھاپے
بھوپال، 7 نومبر (ہ س)۔ اسمبلی انتخابات سے پہلے محکمہ انکم ٹیکس نے منگل کی صبح بھوپال کے سوم گروپ کے مالک جگدیش اروڑہ کے 50 سے زیادہ مقامات پر چھاپے مارے ہیں۔ ان میں مدھیہ پردیش اور چھتیس گڑھ سمیت پانچ ریاستوں کے مقامات شامل ہیں۔ بھوپال میں شاہ پورہ تھانہ علاقہ سمیت کئی مقامات پر ٹیکس چوری کے الزام میں ایک ساتھ کارروائی کی جارہی ہے۔
بھوپال کے علاوہ جبل پور، اندور اور رائسین میں آج صبح کارروائی شروع ہوئی۔ ٹیم نے صبح 7 بجے ایم پی نگر زون-2 میں واقع گروپ کے دفتر پر چھاپہ مارا۔ آئی ٹی ٹیم یہاں ایک کار اور ٹریول گاڑی سے پہنچی۔ اس ٹیم میں رائے پور، بنگلورو، ممبئی اور دہلی کے افسران اور پولیس اہلکار شامل ہیں۔ گروپ کے ہیڈ آفس پر چھاپے کے چند منٹ بعد ہی کمپنی کے بورڈ آف ڈائریکٹرز کے سربراہ کے گھر اور دفتر پر افسران کی دیگر ٹیموں نے چھاپہ مارا۔
محکمہ انکم ٹیکس ممبئی، دہلی، کولکاتا، کٹک اور بنگلورو میں بھی کارروائی کر رہا ہے۔ ٹیم کے ساتھ سی آر پی ایف اہلکار بھی موجود ہیں۔ بتایا جاتا ہے کہ سوم گروپ کے مالک جگدیش اروڑہ کی رہائش گاہ اور دفاتر کے علاوہ محکمہ انکم ٹیکس کی ٹیم اس گروپ سے وابستہ اہلکاروں کے گھروں کی بھی چھان بین کر رہی ہے۔
ہندوستھان سماچار
/شہزاد
